اقتراح لقسم جديد نسميه قسم اللوم ومالامك الا من عزاك وقدرك

ما عارف مجرد فكره انه يكون في مكان الواحد يكتب فيه لو عايز يلفت انتباه شخص لحادثة معينة او واحد مطول ما سال من واحد زي ناس افتقدنا فلان وطالة غيبتو عن المنتدى تكون فيه لفتات حلوه تخلق جو الفة تجذب الناس للمندى من خلال السؤال عنه والتفقد

بعدين النسوان مايسمعوا باب اللوم ويفتوا اللعب ههههههههههههههه هو ده المقصود لكن من العيار الخفيف يكون

ولكم التحية وانتم اصحاب الخيار بالاجازة يلا نسمع الاراء والموافقة والنقد البناء

الاخ العزيز / اشرف

انا اول واحد يفتتح باب اللوم وبلومك انت ( انت من زمان وين ومختفى ومشاركاتك تكاد تكون منسيه )

يا ريس شوية شوية علي اشرف
والله يا اشرف كان زمان ما لامك الا من دارك هسي مافي زمن لللوم والعتاب الناس بس العفو والعافية ولو اتفتح باب ذي ده ما ح نخلص شفتة الريس بدا بيك انت

عبد الوهاب احمد كتب:

الاخ العزيز / اشرف

انا اول واحد يفتتح باب اللوم وبلومك انت ( انت من زمان وين ومختفى ومشاركاتك تكاد تكون منسيه )

العزيز الغالي عمنا الريس عبد الوهاب

والله عجبني استهلالك للموضوع والهجوم الجميل ده لكن فعلا انا كنت مقصر ومهما كانت لدي اعذار ما بتنفي التقصير لكن وعد ان شاء الله ما انقطع ابدا

ولك الف الف الف تحية ياريس وفعلا مالامك الا من عزاك وانا مصر على الباب ده لانه حيكون فيه الكثير واشكرك جدا على المرور واللوم الرائع

ام وئام كتب:

يا ريس شوية شوية علي اشرف
والله يا اشرف كان زمان ما لامك الا من دارك هسي مافي زمن لللوم والعتاب الناس بس العفو والعافية ولو اتفتح باب ذي ده ما ح نخلص شفتة الريس بدا بيك انت

انا ماقلت ليك يا ام وئام انتو النسوان طوالي جارين للوم من العيار التقيل
ليكي الف تحية ام وئام وما زلت مصر ما لامك الا من عزاك او رادك
ولوم الريس ده شجعني اكثر للفكره واسعدني كمان مالو نجرب ونشوف لسة راي الناس ولا شنو ياريس

والوردة لوفاتا الفراش مااظن تلومو مع الندى
الاخ اشرف لو شالوا الكلام زادوة حبة حبة جابوة ليك اوعى تصدقهم هههههههههههههه

الاقتراح حلو لكن طوووووالى جاب ليك الهواء لكن هواء بااااااااارد ونسيمة عليل وانا ليكم اهدى اغنية الملام للرائع مصطفى سيد احمد


https://youtu.be/mspCSa4eJ7k

اخوي العزيز الغالي / الطيب سيد الدالي
نفتقدك كثيرا في المنتدى وبصراحة انت من الكوادر الناشطة والرائدة في المنتدى وانا شخصيا برتاح لما اشوف ليك اي مساهمة باسوبك الجميل وتعبيرك الساحر في الكلام صراحة نفتقدك ولازم ترجع للمنتدى وانا ادرى الناس بظروف شغلك وعارف زمك قليل لكن ما بمنع من الاطلاله ولو بالقليل
بعدين علشان خاطر اعمامك ناس الريس وعبد الوهاب الناس دي بتعزك وبتقدرك والله نحن نعتبرهم تاج فوق راسنا واصلوا المنتدى في فترة البرود اللي حصلت ما لي مصلحة ولكن لعشم فيكم وفي تواصل ناس الشجره وما بخصهم هم بس كثيرين مثل الاستاذه نعمات وفخري وكثر اسف لانه المجال ما بسع لذكرهم
اتمنى الرد اخي الطيب والاستجابة وما تزعل من اللوم الخفيف لانه الما رادك ما لامك

الاخ العزيز / اشرف

مرة ثانية مبروك على المولود وانشاء الله يتربى فى عزكم .... تعرف يا اشرف الواحد طبعا تغرب عن الشجرة منذ فترة طويلة وفى هذه الفترة نشأت اجيال لم يسعفنا نحن الديناصورات ان نتعرف بهم وارتباطنا اصبح بالاصدقاء الذين نشأنا وتربينا معهم ونجتر ذكرياتنا معهم ... واذا رجعنا فى اجازة سنوية لا تكفى هذه الزيارة لكي تتعرف على اخوان جدد مناسبات وشيل فاتحات تكون اجازتك انتهت ولكن الحمد لله كما يقولون اصبح العالم قرية صغيرة واصبحت التكنولوجيا فى متناول اغلبية الناس وسعدنا وفرحنا طربا بانشاء موقع ممتميز لابناء الشجرة والحماداب نشكر القائمين عليه لانه اصبح همزة وصل لنا جميعا ومن خلال هذا الموقع الفريد تعرفت على اخوان جدد كان على من المستحيل ان اجدهم فى الشجرة تعرفت عليك وتعرفت على الدكتور على عثمان واخوه عثمان العثمانى تعرفت على الطيب الدالي واشرف الثعلب والاخ الكريم احمد كبتن والدرزي وابو موفق وابراهيم العمدة واخرون كثر لم تسعفنى الذاكرة ولكن اعتز بمعرفتهم جميعا ,, لذلك يجب عليكم جميعا التواصل بعد ان حرمنا زمنا طويلا منه والان اصبحت لنا نافذة جميلة نطل بها على شجرتنا الحبيبة فاجعلوا هذه النافذة مشرعة ليدخل لنا هواء عليلا من بحر نفوس اهلها الصافي لنستمتع نحن بكم

الاخ عبدالوهاب واخونا اشرف وابن العمة مجدي واستاذتنا نعمات بالجد منورين وربنا ما يجيب اللوم بينا

https://youtu.be/6rrbXU7YuNc
اهديكم هذه الاغنية

والله ياريس وجودكم انتو كبارنا بس في المنتدى ده تشريف لينا قبل المنتدى ووالله كلنا نتبادل نفس المشاعر ومع ذلك بنقول المشغوليات لكن ابدا المشغوليات ما بتمنع من التواصل والمرور للمنتدى ما بكلف الواحد اكثر من 10 دقائق فلما الواحد يغتنمه في سلام ومتابعة اخبار اهلوا وناسوا منهم من نعرفهم ومنهم من نتمنى رؤيتهم بعد تعارفنا بهم بالمنتدى والاحساس ده بنحس بي روعتوا لما نتلاقة ربنا يجمعنا تامين وبصحة في الشجرة يارب عاطر تحياتي لكل من بالمنتدى فكلكم تمثلون عراقة الشجرة وقيمها وترابطها لكم التحية دوما

كلامك جميل يا اشرف وبالمناسبه مصداقا لكلامك انا في الفتره الغبتها دي عرفت انو مافي زول دايرني في المنتدي ده والناس بتسال بس عن اصحابها وانا ما قلت كده عشان زول يعتذر لي او يواسيني وان عدتم لن نعود ولك احترامي

عثمان بشير كتب:

كلامك جميل يا اشرف وبالمناسبه مصداقا لكلامك انا في الفتره الغبتها دي عرفت انو مافي زول دايرني في المنتدي ده والناس بتسال بس عن اصحابها وانا ما قلت كده عشان زول يعتذر لي او يواسيني وان عدتم لن نعود ولك احترامي

اخي العزيز الغالي عثمان بشير
لك التحية اولا
ومبروك مره ثانية المولود عبد الرحمن ويتربى في عزك ان شاء الله
يا اخي العزيز المنتدى ده بنعتبروا بيتنا وهو اللي عمل العلاقة اللي انت بتقول عليها والناس المتداولة الموضوع الحالي كلهم انا لم تربطني بهم علاقة شخصية وانما كل تواصلنا من خلال المنتدى وهذا المنتدى انت احد اعمدته ولا بد ان تبادر مثلي وتاخذ مثل السياط التي اخدتها من الريس وهي علي كالعسل لانه الهدف من منتدانا توثيق العلاقات ورفع اسم الشجره وانت رجل صاحب مساهمات كبيره في المنتدى وليك مكانتك فيه وانا بعرفك كويس رجل صاحب قلب ابيض وحساس جدا كلنا اخوة والمعزة واحدة ونسال الله ان يجمعنا جميعا في الشجرة ان شاء الله لتعرف المعادن الجميلة الموجودة في ناس المنتدى وربما لو صبرت انت حقيقة كنت في بالي اسال عنك ولكن قلت ناحده واحده واحدة عشان القسم يزدهر بالمساهمات والسؤال يمتد والردود تتوالى ولكن انت بطيبة قلبك واصالتك سبقت الحدث وكلامك ده انا عارفوا ما الحقيقة اللي انت بتحسها لانه انا من خلال تواصلي بيك في المنتدى قدرت اكون فكره عنك وانت راجل ماساهل وليك مكانتك ياعثمان وننتظر منك المزيد دوما وما تفكر بالطريقة دي لاننا كلنا اخوان في الشجرة يالغالي
تحياتي لك

[quote="ام وئام"]https://youtu.be/6rrbXU7YuNc
اهديكم هذه الاغنية [/quote]
شكر ام وئام على الاغنية والما لامك ما دارك زى ما بقولوا ...

الاخ الحبيب العمدة ليك كل التحية والتقدير وانت تملا سماء المنتدى بمشاركاتك الجميلة الجاذبة ولك العتبى حتى ترضى
لكن موضوعك ده ما صعب خلاص وبدخلنا في زقاقات ضيقة وبجيب العيد ياخي خلينا كده حلوين بالمحبة الفي قلوبنا وخليك من حتت المسميات الله يديك الصحة والعافية
ومزيدا من المساهمات يارائع

الاخ الطيب السيد الدالي اتصل علي تلفون وهو اطلع على المشاركة وشكرني على الكلام الكتبتو في حقوا وبيعتذر لظروف مرضية التهابات ونزلة حر بعيد عنكم الله يقومك بالسلامة يالطيب ونشوف مشاركاتك زي ما وعدتني لك التحية للجميع

يا اخوانا والله طارئ لي زول في المنتدى ده زول فحل وغيور على المنتدى ورجل زو همة عالية والله افتقده جدا واتمنى كل من يطلع على اللوم ده يبلغوا تحياتي وانو مشتاق ليه والمنتدى كله يفتقده اخونا الحبيب / معتز الدرزي الشجرابي الماسي
فهل من اطلاله تسعدنا بها يارائع ؟ لك عاطر التحايا

ده موضوع اعادة تسمية المنتدى ده
انت عارف قبل كده اتفتح موضوع بالصدد ده واتفهم بي صورة خاطئه وامتد امتداد اتمنينا يتقفل للابد
لكن انا عارف مقصدك من التطرق للموضوع ده ونيتك الطيبة الله يديك العافية

ربنا يديمكم بالمحبة والتواصل والرضا ويعمر بيوتكم بالصلاح
ويعمر بيكم المنتدى
انا عايزة أعقب على كلام أخوي إبراهيم.....لكن إحتراماً
ليهو ونزولاً لرغبته ح أرد بي هناك...

الخال سوري الاخ والصديق العزيز اشرف واللة الواحد مابقدر اسيب المنتدي لانو جد عرفنا بناس اعزاء الاستاذة الفاضلة نعمات والريس والعمدة وام احمد وام وائام وغادة وفخري واسماعيل طة وجميع الاعضاء بس مشاغل الحياة الصعبة وعلي العموم من هنا وماشي حنكون شغالين في المنتدي علي طول تقبل تحياتي واشواقي لك والاولاد وجميع اهلالسعودية

تسلم حبيبنا معتز وربنا يديك الصحة والعافية وتحياتي للاسرة الكريمة وإن شاء ما ينقطع التواصل بينا عبر المنتدى ابدا

تسلم حبيبنا العمدة وربنا يديك الصحة والعافية وسبب الغياب كنت في السودان في اجازة سريعة مشينا وجينا وما فهمنا اي حاجة