منتدى الشجرة والحماداب
منتدى مدينة الشجرة والحماداب



 
الرئيسيةالتسجيلدخول

شاطر | 
 

 بسم الله نبدأ

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
مصطفي عباس
شجرابي مميز
شجرابي مميز
avatar

الجنس : ذكر الاسم كامل : مصطفي عباس مصطفي

الاوسمة
 :  

مُساهمةموضوع: بسم الله نبدأ   الأربعاء 13 أكتوبر 2010, 4:30 pm

بسم الله نبدأ ونحن في إنتظار مشاركات الأعضاء
الرجوع الى أعلى الصفحة اذهب الى الأسفل
سامى احمد عثمان
الرئيس الفخري
الرئيس الفخري
avatar

الجنس : ذكر الاسم كامل : سامى احمد عثمان

مُساهمةموضوع: عند طلب الاخ فخرى   الخميس 14 أكتوبر 2010, 10:45 pm


اصحاب محلات الموبليا فى الشجرة
-------------------------------------------
اخوانى الكرام فى السابق كنا نتضرع المشى من اخر الشجرة الى السوق حيث فول ابراهيم مجالس وباسطة صدقى وخلافه لكن الملاحظ فى ايامنا هذه ادى جشع المحليات ان تسمح لاصحاب المحلات بعرض البضاعة خارج المحل على ان يدفعوا رسوم لهم وذالك دون مراعاة للمواطن كيف يسير اين الطريق وحق الطريق على اليمين بضاعة وشمالك خور وعربات تهدد حياتك كل ثانية
ومن زاوية اخرى هل اضافة من الناحية الجمالية على الشجرة ام شوهت الجمال ؟
لكل منا وجهة نظر ولابد ان نحترمها وانها ونسة تحت ضل الشجرة وما هو الحل شكرا لكم
الرجوع الى أعلى الصفحة اذهب الى الأسفل
nimat mohamed salih
المعلمة والمربية
المعلمة والمربية
avatar

الجنس : انثى الاسم كامل : nimat mohamed salih(um ramiz)

الاوسمة
 :


مُساهمةموضوع: رد: بسم الله نبدأ   الخميس 14 أكتوبر 2010, 10:46 pm

انا ماعارفة لكن فى رايى العنوان او كلمة(نقاش) دى فيها كدة نكهة سخنة شوية ياريت نشوف حاجة هادئة كدة

فيها روقة اعصاب وهدوء جمييييييييييييييل , ولا شنو.( انا بخاف من النفس الحار واللة) ههههههههههههههه
الرجوع الى أعلى الصفحة اذهب الى الأسفل
nimat mohamed salih
المعلمة والمربية
المعلمة والمربية
avatar

الجنس : انثى الاسم كامل : nimat mohamed salih(um ramiz)

الاوسمة
 :


مُساهمةموضوع: رد: بسم الله نبدأ   الخميس 14 أكتوبر 2010, 10:50 pm

سامى دة كمان رايحة لية سكة هههههههه

انت خايف تلف جنب بيت ويطلع ليك زول يقول ليك يامشى بى بيتنا جيت صدفة ام جيتنا؟ وتحتار تقول شنو؟ هههههههه
الرجوع الى أعلى الصفحة اذهب الى الأسفل
مصطفي عباس
شجرابي مميز
شجرابي مميز
avatar

الجنس : ذكر الاسم كامل : مصطفي عباس مصطفي

الاوسمة
 :  

مُساهمةموضوع: رد: بسم الله نبدأ   الجمعة 15 أكتوبر 2010, 4:16 pm

أصبت الأخ سامي فيما قلت من ضيق في الطرقات خاصة وأن الطريق يفتح علي الشارع الرئيسي وأنا قبل ماأغادر الشجرة كانت الحالة بطالة جدا فأنا أقترح إنو يكون في عرض ويعملو مخازن في سوق الشجرة تحت ودا مجرد رأي وأنا شاهدت العديد من الحوادث بسبب ضيق الشارع -تقبل مروري ولك التحية
الرجوع الى أعلى الصفحة اذهب الى الأسفل
سامى احمد عثمان
الرئيس الفخري
الرئيس الفخري
avatar

الجنس : ذكر الاسم كامل : سامى احمد عثمان

مُساهمةموضوع: شكرا مصطفى ونعمات   السبت 16 أكتوبر 2010, 12:38 am

شكرا على المرور
والله يا نعمات فى نظرى انا شوهت منظر الشجرة لو اكتفوا بما فى المحل بس كان يكون تمام لكن الشارع اختفى عديل ولو جاية مغترب ما بتعرف تنزل وين مرات كتيرة تفوت المحطه
اه راى الاخوان شنو ؟؟
الرجوع الى أعلى الصفحة اذهب الى الأسفل
karim
الرئيس الفخري
الرئيس الفخري


الجنس : ذكر الاسم كامل : كريم محمد عوض الكريم

مُساهمةموضوع: رد: بسم الله نبدأ   السبت 16 أكتوبر 2010, 6:15 am

ياخي ديل شالو واجهة المدرسة عملوها دكاكين اثاث وخلافو ، ما يشيلو الشارع ، مش كويس ماشالونا احنا ذاتنا.

لاخ سامي البتتكلم عنو انت ده بالنسبة ليهم ترف ، بدل مايوسعوا الشارع ويعملو ترتوار في النص عملوها اثاث

حليل الدنيا بالمناسبة دي كانت مدرستنا

والله ايام يازمان
الرجوع الى أعلى الصفحة اذهب الى الأسفل
فخري احمد عبدالله
admin
admin
avatar

الجنس : ذكر الاسم كامل : فخري احمد عبدالله

مُساهمةموضوع: رد: بسم الله نبدأ   السبت 16 أكتوبر 2010, 10:43 am

الحبيب سامي ده كله ناتج عن الجشع وعدم الايمان بان الرزاق هو الله كل انسان بيفكر في نفسه ويفتكر انوا المجاعه جايه بكره لكن الانسان بيعرف ربنا تمام بيكون قاعد في دكانه مستني رزقه كل انسان وعنده كومه مافي اي انسان بيقرب منه وبعدين الهجره الداخليه سبب اساسي يعني ناس مغتربه مابتعرف اللا لم المال باي طريقه وحسب فهمهم انوا العرض الكبير للبضاعه بيجلب المشتري لكن الارزاق بيد الله .
الرجوع الى أعلى الصفحة اذهب الى الأسفل
عزالعرب صالح
شجرابي زهبي
شجرابي زهبي
avatar

الجنس : ذكر الاسم كامل : عزالعرب صالح عالم

مُساهمةموضوع: رد: بسم الله نبدأ   السبت 16 أكتوبر 2010, 11:10 am

اهلنا السلام عليكم
طبعا شارع الشجره بعد الرصيف العملو فى النص ضيق الشارع ذياده
لانو ما عاملين فيهو الا تقاطعين فى حين انو ممكن يكون فى اربع تقاطعات او خمسه
ومحلات الاثاث لعرضعا بضاعتها فى الشارع ضيقت الشارع شديد وناس المحلية واقفين يتفرجو
وكمان المشكله انو المحلات من الجهتين يعنى لو كانت من جهة واحده كان ارحم
انتو عارفين فى المساء ما تقدر تمشى فى الشارع من الزحمه اثاث من جهة وعربات وركشات
والخور غايتو نحن عكس الناس الناس بتوسع الشوارع ونحن بنضيق الشوارع
الرجوع الى أعلى الصفحة اذهب الى الأسفل
اشرف ترجمان
شجرابي زهبي
شجرابي زهبي
avatar

الجنس : ذكر الاسم كامل : اشرف ترجمان (كباية)

الاوسمة
 :  

مُساهمةموضوع: رد: بسم الله نبدأ   السبت 16 أكتوبر 2010, 5:42 pm

بالفعل اخونا سامي ليك التحية ده موضوع كبير وهام جدا لكن السؤال هل نقدر نعكس صورة للناس المسؤولة هناك الى انه الوضع ده غلط وانهم شوهو الشوارع ولا زي ما بقولوا السعوديين عندنا هنا الشكوى لله
الرجوع الى أعلى الصفحة اذهب الى الأسفل
غاده
شجرابي مميز
شجرابي مميز
avatar

الجنس : انثى الاسم كامل : غاده سعيد

مُساهمةموضوع: رد: بسم الله نبدأ   الأحد 17 أكتوبر 2010, 5:06 pm

الاخ سامي تحيه عاطره

الاخوه والاخوات

لو بقت علي الاثاثات براها كان الموضووع حمه خفيفه زي ما بقولو

لكن تعال شوف بي جاي تصليح عربات

علي مطاعم ماسكه نص الفسحه قول تلات ارباعها اي زول ينزل من الزلط ما يعرف يمشي

الكراسي والترابيز ماليه المكان يعني بعد المغرب لو مفكره اي وحده تقطع للحماداب في زياره مافي طريقه

وكمان الزايد الطين بله الانوار تجهرك واول ماتدخل الشارع (مثلا شارعنا )ظلام تام غير الحفر الله يجيرك
الرجوع الى أعلى الصفحة اذهب الى الأسفل
dorzy
admin
admin
avatar

الجنس : ذكر الاسم كامل : معتز عبد الماحد محمد العوض

الاوسمة
 :  

مُساهمةموضوع: رد: بسم الله نبدأ   الأحد 17 أكتوبر 2010, 5:49 pm

الاخوة والاخوات السلام عليكم موضوع شارع الشجرة بدا من الاول باقتراح من اللجان الشعبية المشتركة يعني الشجرة والحماداب وكان اول اقتراح فصل الطريق وجاء القرار من بعض الاشخاص المهم وافقت محلية الخرطوم وهيئة الطرق علي المشروع يعني براي سويتا في نفسي ام بي النسبة للدكاكين العفش حقيقة ادت منظر محترم للطريق واصبحت مدينة الشجرة مرتع للعفش لجميع اهل السودان وهذا شرف للمدينة حقيقة الشارع واسع بس المحلات ضيقت الطريف والمحلية طال في العرض الخارجي بعني في قروش العرض الخارجي هو انك تعرض البضاعة خارج المحل بي مبلغ شهري للمحلية 75 جنية مشكور الاخ سامي علي الموضوع الجميل وتسلم اخي مصطفي يامبدع المنتدي
الرجوع الى أعلى الصفحة اذهب الى الأسفل
اشرف ترجمان
شجرابي زهبي
شجرابي زهبي
avatar

الجنس : ذكر الاسم كامل : اشرف ترجمان (كباية)

الاوسمة
 :  

مُساهمةموضوع: رد: بسم الله نبدأ   الإثنين 18 أكتوبر 2010, 3:19 pm

هبشوك يادرزي انت ما زعيم ناس السراير زاتم هههههههههههه
الرجوع الى أعلى الصفحة اذهب الى الأسفل
 
بسم الله نبدأ
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الشجرة والحماداب :: المنتدي العام-
انتقل الى: