| شدو الرحال واكربواالجمال | |
|
|
كاتب الموضوع | رسالة |
---|
nimat mohamed salih المعلمة والمربية
الجنس : الاسم كامل : nimat mohamed salih(um ramiz)
الاوسمة :
| موضوع: شدو الرحال واكربواالجمال السبت 18 سبتمبر 2010, 2:30 am | |
| الى كل الاخوان والاخوات بالمنتدى حان وقت الرحيل.
شدوا الرحال واكربوا الجمال
خلونا نتحد نغير المسار
للموقع الجديد
مااجمل المزار
هلموا ياشباب ياروعة الصحاب
خلوة لينا دار
بلملم الاهل والسافر الرحل
اوالكان فى الحلة جار
نشيلوا بالاحضان نملاه بالحنان
حلوين صغار كبار
ماتيلا نتحد الاخ والخال والجد
نعمر العمار
والهمة ايد فى ايد بالموقع الجديد
نعيد الاخضرار
للشجرة امنا والخير يعمنا
الباقية لينا دار
نسند المحتاج والداير العلاج
والشال همومه حار
خصالنا من جدود الجار للجار ودود
كان موية من ازيار
خلونا ننطلق فى راينا نتفق
والشجرة ابن بار
الرى عروس النيل فيه الشباب اصيل
عالى زى فنار
اوالشجرة من شمال ناساً بيعدلوا الحال
بهمة وافتخار
مااجمل الجنوب الشجرة فى القلوب
فى السمحة ناس كتار
والهيبة فى الغرب فى الحارة تنكرب
والعظمة والوقار
وياروعة الوسط والحازوا للزلط
البيملكوا القرار
ماتيلا نمشى جد نشوف للقصة حد
ونبدأ ياستار
التحية لكم جميعاً وهذة بطاقة دعوة لكم جميعاً لنرتحل سوياً بين طيات السحاب وليس وحدنا بل جميعنا وندشن الموقع الجديد على انغام هذة الكلمات ليحلو السمر تحت القمر هيييييا بنا.
| |
|
| |
مجدى ابوعبدة مشرف مشاهير الشجرة والحماداب
الجنس : الاسم كامل : مجدى عوض محمد احمد
الاوسمة :
| موضوع: رد: شدو الرحال واكربواالجمال السبت 18 سبتمبر 2010, 2:52 am | |
| شكرا أستاذة نعمات على هذه الحروف المرتّلة ..المنمّقة ..والمموسقة وربنا يزيدك من خيره . | |
|
| |
karim الرئيس الفخري
الجنس : الاسم كامل : كريم محمد عوض الكريم
| موضوع: رد: شدو الرحال واكربواالجمال السبت 18 سبتمبر 2010, 5:19 am | |
| الاخت الاستاذة نعمات حقيقة كلام زي الكلام بالله بعد ان تتم وحدة الشجرة (انشاءالله) عايزين واحدة لوحدة السودان وان يرد كيد كل انفصالي الى نحره | |
|
| |
ام محمد معتز شجرابي مميز
الجنس : الاسم كامل : نوارة محمد نور
| موضوع: رد: شدو الرحال واكربواالجمال السبت 18 سبتمبر 2010, 12:49 pm | |
| لكى التحيه الاستازه الفاضله نعمات وكل عام وانتى بخير انا اضم صوتى معك [img] [/img] | |
|
| |
nimat mohamed salih المعلمة والمربية
الجنس : الاسم كامل : nimat mohamed salih(um ramiz)
الاوسمة :
| موضوع: رد: شدو الرحال واكربواالجمال السبت 18 سبتمبر 2010, 3:07 pm | |
| الاخ كريم انت تأمر ونحن جاهزين اى شئ للسودان جاهز من زمن بعيد .... السودان فى الاحداق. قصيدة السلام عمرها بضع سنوات:- الف اهلاً ياسلام بيك كم عمرت دروب بيك اجمل حب تزامن سامى فى كل القلوب كل رصاصاً كان بيدوى كان بيصاحبه نحيب ووب كلما دوت قذيفة أو لغم فى الجوف يذوب كان بيفرق بينا اكتر وبية تزداد الحروب كم أرامل ضاقوا نارا وكل صباحم كان غروب كل يتيماً كان بيشرب من دموع المر ضروب أو شباباً كان بيحلم بالفرح يبقالو توب كانت الاقدار هى اقوى خلفت أقسى الخطوب يلا ياملوال وأحمد نادى آدم وادروب خلو غيمة الحب تظلل كل ناحية وكل صوب والمناحات تبقى غنوة والفرح بدل الكروب الشمال الكان بيريدك ونفسو يحضن ياجنوب جاتة رحمة اللة شايلة كل سلام لكل حدوب والبعيد عن وطنة غايب حانى للطين والهبوب جاتة نفحات السلام حركت شوقة الغلوب ساب نعيم الدنيا كلو وهم للعمل الدؤوب ليكى برجع يابلادى للسعادة البادية دوب نزرع الالغام مشاتل وبالامان نسقى الحبوب وكل دم سال يوم فى ارضك كان شرف ماكان عيوب هو نبع السلم كلة فاح شذاه من الجنوب ليك راجع يابلادى وتبقى تاج كل الشعوب ليكى برجع ابنى ارضك بالسلام مابالحروب للجميع كل الامنيات الحلوة فى ظل سلام دائم بالداخل , ولمن بالخرج عوداً حميداً الى احضانة , وبين ايادى التعمير وابتسامات المستقبل المشرق وبعيداً عن نظرات الحاحدين علية . ا( كلام وشوشة) :- القصيدة مسجلة اوعكم باكر اشوف زول فى نجوم الغد قام يعوعى بيها حقوق المؤلف ابقوا عشرة عليها ولا باكر الدفع تقيل بجيكم بىغادى يوم | |
|
| |
nimat mohamed salih المعلمة والمربية
الجنس : الاسم كامل : nimat mohamed salih(um ramiz)
الاوسمة :
| موضوع: رد: شدو الرحال واكربواالجمال السبت 18 سبتمبر 2010, 3:37 pm | |
| شكراً كتييير اخ مجدى والاخت ام محمد والاخ كريم .
مروركم للحروف اسعد
وزاد من رونق المعنى
ووجودكم فى الحروف زغرد
عزف كلماتى زى مغنى
تسلموووووووووووو ومعطِريييييين دوماً .
| |
|
| |
karim الرئيس الفخري
الجنس : الاسم كامل : كريم محمد عوض الكريم
| موضوع: رد: شدو الرحال واكربواالجمال الأحد 19 سبتمبر 2010, 12:52 am | |
| خلو غيمة الحب تظلل كل ناحية وكل صوب
يعطيك الف عافية وصح لسانك | |
|
| |
nimat mohamed salih المعلمة والمربية
الجنس : الاسم كامل : nimat mohamed salih(um ramiz)
الاوسمة :
| موضوع: رد: شدو الرحال واكربواالجمال الأحد 19 سبتمبر 2010, 1:42 pm | |
| الاخ كريم اتمنى ان تكون القصيدة غطت المعنى الذى طلبتة او بمعنى آخر ارضت طموحكم , لان الرد كان مختصراً جداً . ومرحباً بالنقد مهما كان نوعة, عموماً القصيدة بسيطة الكلمات . تحياتى. | |
|
| |
nimat mohamed salih المعلمة والمربية
الجنس : الاسم كامل : nimat mohamed salih(um ramiz)
الاوسمة :
| موضوع: رد: شدو الرحال واكربواالجمال الأحد 19 سبتمبر 2010, 1:56 pm | |
| الى كل الاخوة الاعضاء من الجنسين:-
تحية مباركة ملؤها الود والاخاء الصافى.
لقد افردت فى هذة المساحة مبادرة شعرية تحوى بين طياتها دعوة طيبة اليكم للانتقال الى المنتدى الجديد وصرف النظر عن اى خلاف يذكر وان عظُم , وان كان انى على
يقين تام ان ابناء الشجرة الوريفة الحنينة لايحملون بداخلهم الا كل حب والفة وتفانى من اجلها ومن اجل من فيها علية ارجو الاتى -اذا سمحتم لى بذلك -:-
ان يكون لى شرف قبول تلقى راى كل منكم على انفراد فى كون البقاء بالمنتدى القديم او الجديد , هذا لمن يحب ان يذكرة هنا او فى ايميلى الشخصى او فى الرسائل
حتى نتمكن سوياً من تذليل صعوبة الانصهار فى بوتقة واحدة الا وهى العمل من اجل الشجرة ورفعتها دون اى هدف آخر على الاطلاق .
وكلى ثقة بانكم جميعاً حادبون على امرها وامر كل من فيها او من دفعت بة ظروف الحياة للبقاء خارجها , علية سوف اتقلد شرف هذة المهمة اذا احببتم جميعاً واذا لم , فاننى منكم ولكم وبكم بل نحن جميعاً كذلك .... لكم منى كل الاحترام والتقدير .
ولا ننسى ان اختلاف الراى لايفسد للود قضية. | |
|
| |
ياسر عدوي admin
الجنس :
| موضوع: رد: شدو الرحال واكربواالجمال الإثنين 20 سبتمبر 2010, 3:35 pm | |
| - اقتباس :
- أبو التومات
شجرابي مبدع
تاريخ التسجيل: May 2010 الدولة: الرياض / الملز المشاركات: 106 معدل تقييم المستوى: 10
--------------------------------------------------------------------------------
والله إنت يبدأوا معاك من تحت : أول حاجة إنت عمرك كم سنة عشان الواحد يعرف يتناقش معاك ؟ 1/ الجاب سيرة تاريخ وجغرافيا منو هنا؟ اها إنتوا الأول ... عملتوا بيها شنو ؟ ان شاءالله تدخلكم أوكسفورد.
2/ يحقدوا عليكم في شنو ولي شنو كان إنت وللا .... ؟ أها ياااا بيل غيتس الحمادابي ... أديني سبب أوشئ واحد يحقدوا عليكم فيهو؟
3/ والله ياراجل يافاهم أنا ما فتحت لي بوست إتحزمته وشلته لي طبلة وقلته سييير سير ياياسر سير وللا يظهر عليك نسيت عادتك القديمة ؟ وبعدين بتعرف ليه شنو انت الترابط ده ؟ كدي أعرف أربط رباط جزمتك بعدين إتكلم عن الترابط .
4/ تمشي وين لي قدام إنت الذيك دا عمرو مابيمشي لي قدام ولايتقدم خطوة طالما دي طريقة مخاطبته لأهل مدينته بهذا الإسلوب السافر في العداء وعدم التأدب في الرد علي الأعضاء (تاني بعيد ليك السؤال : عمرك كم سنة؟).. هل الريس عندو علم بأنك ياحوار سترد بدلاً عنه بهذا الأسلوب المقزز وقلة الحياء؟الظاهر عليك اتصلت عليه وقلته ليهو سيبو لي انا برد ليك عليهو (ما ياااكا الحوار) لازم تعمل كدا. وسير سير سير .
5/ رجعنا لي رقم 3 تاااااني .
5مكرر / خجيجة وقعت من البلكونة تااااني (سير سير ) الكلام مرسل لاخت نعمات | |
|
| |
nimat mohamed salih المعلمة والمربية
الجنس : الاسم كامل : nimat mohamed salih(um ramiz)
الاوسمة :
| موضوع: رد: شدو الرحال واكربواالجمال الإثنين 20 سبتمبر 2010, 9:34 pm | |
| الاخوان الافاضل ابو التومات ---ياسر عدوى
تحياتى واحترامى........... الذى هو امامى الان ادهشنى حد الالجام لم اتمنى ولا اريد ان اراه بيننا يوماً ما علية رجاءً الاخ ياسر
بما انك اتيت بالاقتباس سلفاً فى هذة المساحة كان من العدل ان ناتى بالحوار الذى دار والذى على اساسة جاء هذا الرد واعتقد ان هنالك بعض العبارات توحى بان
هذا الذى كُتب هو رد لحديث مسبق .علية اخى ياسر مع احترامى ارجو طرح ذلك حتى يناقش الامر بالامانة والعدل المطلوبين .
اكرر عظيم اسفى وبالغ المى لما فوجئت بة من عبارات جاءت واسلوب غير متوقع من اخوة لنا رسمتُ صورهم بمخيلتى وهم على قمة عالية من الترابط والود والمحبة .
وياحبذا ان يُسحب هذا الكلام ونلتقى جميعتا على الاسكايب فى لآن واحد ونناقش الامر فى جو ملئ بالحب وجل من لايخطئ ......رجاء رجاء منى اخوانى الاعزاء. | |
|
| |
مجدى ابوعبدة مشرف مشاهير الشجرة والحماداب
الجنس : الاسم كامل : مجدى عوض محمد احمد
الاوسمة :
| موضوع: رد: شدو الرحال واكربواالجمال الثلاثاء 21 سبتمبر 2010, 3:40 am | |
| أسأل الله الكريم رب العرش العظيم أن يجمع شملنا ويقوّى شوكتنا ويوحّد مرمانا وهدفنا .
| |
|
| |
karim الرئيس الفخري
الجنس : الاسم كامل : كريم محمد عوض الكريم
| موضوع: رد: شدو الرحال واكربواالجمال الثلاثاء 21 سبتمبر 2010, 3:42 am | |
| ابوعبده وخط الوسط والدفاع امييييييييييييين | |
|
| |
ياسر عدوي admin
الجنس :
| موضوع: رد: شدو الرحال واكربواالجمال الثلاثاء 21 سبتمبر 2010, 3:03 pm | |
| | |
|
| |
| شدو الرحال واكربواالجمال | |
|