| المرحوم وليد بيش( طني) | |
|
+8عبد السلام محمد أحمد اشرف تيرف امير حسن احمد عثمان الثعلب حمدوك كبتن ياسر عدوي 12 مشترك |
كاتب الموضوع | رسالة |
---|
ياسر عدوي admin
الجنس :
| موضوع: المرحوم وليد بيش( طني) الخميس 24 أبريل 2008, 4:52 pm | |
|
عبد السلام محمداحمد ـ الشجرة
قرأت سطورك العميقة عن وليد ( بيش ) ويالها من كلمات مست في دواخلي وترا ينبض إنتماءا ومحبة ... وأقول لك انك ( إنسان ) ( لماح ) فقبلها كتبت عن شخصية السني وأنا متأكد أن في مخيلتك شخصيات أخري تثير الإندهاش .... تعيش وسطنا ولا ننظر إليها بالعمق المطلوب . وليد بيش إحدي علامات الشجرة البارزات صنع فيها السعادة والفرح بطريقته الخاصة فكلنا يحفظ في دواخله حدث أو موقف أو إنطباع عن هذا النبيل العميق البسيط .... كنت أتعجب من أين يستمد هذا (البيش ) الحضور والتألق والقدرة علي لفت الإنتباه والتساؤل وحيازة الإعجاب ... كان منتظما حتي في خروجه علي (المألوف ) الذي نفترضه نحن ..... كنت أسأل نفسي عمليا من أين حصل وليد علي هذه الكرافيتة ( الصفراء بالأسود ) وذلك المرجع في القانون الذي يحمله معه وهو يخطط اليوم وهو خارج من منزله ويقصد جامعة القاهرة الفرع ... وقبلها يستفزني السؤال هل إرتدي هذا الزي في المنزل أي من دولاب مخصص للملابس ؟ أم أنه إرتداه خارج المنزل وأين ؟ وهل رتب لكل ذلك قبل النوم مساءا مثلما يفعل الناس العاديين في تجهيز مستلزمات مشوار الغد من ملابس ومعدات ؟ وهل طريقته في التفكير وترتيب الأمور هي نفسها الطريقة المعتادة التي نرتب بها الأمور ونتخذ القرارات ؟ وهل وهل وهل .... كنت اتجاوز كل ذلك واحبه حبا في الله ولاتزال ترن في أذني صدي عبارته وهو ضاحكا ( جنابو ) ماركة مسجلة يمازحني بها الأصدقاء علي طريقته . كنا مجموعة من الأصدقاء بابكر أبو شوك ... حمادة سيد وأشرف حاكم نلتقيه عند بقالة أسامة ( الزعيم ) بسوق الشجرة ونتبادل معة الحديث والونسة ويحاول بابكر استدراجه الي مناطق معينة فيسأله يا وليد انت لو عرست حا تعمل شنو ؟ يقو ليه حأعمل حفلة ... طيب وبعد الحفلة ؟ يقول ليه حانمشي الفندق... طيب قول وصلت الفندق... يقول ليه نخش الغرفة ... طيب بعد داك ؟ يقول نطفي النور .... قول طفيت النو ر تعمل شنو بعد داك ؟ يقول ليه نقعد نتونس وهنا ننفجر ضاحكين ( عليك الله ياوليد بيش الونسة دي دايرة ليها نور يطفوه ) فاكتشفنا أنه عفيف اللسان ... كذلك عفيف اليد لا يأخذ حتي يستـاذن ولا يطلب أكثر من حاجته ولايزال حمادة سيد يحفظ عبارته الدقيقة ( جيب خمسمية نقشط لبن ) فقط خمسمية ولغرض واضح وبكل شفافية يشتري امامك اللبن او الباسطة ويعزمك بكل أريحية ويلح عليك لتشاركه ... له مقدرة فائقة علي معرفة الناس وتصنيفهم فهذا بخيل وهذا كريم وهذ شاطر وهذا وهذا ... يمثل مرآة للناس كذلك له مقدرة علي اختزان تفاصيل أي شخصية واخراجها في شكل عبارة أو إيماءة أو حركة تعرف منها من يقصد .. حتي علي المستوي السياسي كان يعرف عن الشجرة الكثير ودوما يكون مدخله للشخصية ينسجم مع طبيعتها ولا يجد صعوبة في ايجاد لغة مشتركة مع كل الاشخاص لثقافته الخاصة به . كان شديد الإعجاب بالمرحوم عثمان طنون الذي هو قمين بالاحترام والاعجاب حتي ارتبط اسمه به فأصبح وليد (طني ) وكان أشد اعجابا به وهو يدير نادي الشجرة فكان كثيرا ما يجسد شخصيته وطريقته في الكلام الا ان جسده النحيل بخذله في اتمام الدور..
له علاقة مميزة مع الاوساط القانونية ( نيابة .. شرطة .. قضاء .. محامين ) وحتي انتسابه ( الخاص ) للجامعة ( الفرع ) كان تحت مظلة كلية الحقوق وكان ينطقها حتي أشفق علي حلقه لإخراجه لحرف القاف من منابعه الأصلية .. يجسد دور طالب الجامعة فتجده في الترحيل والكافتريات وكان هنالك يلوذ بالصمت فيثير حيرة الكثيرين هل هذا الذي يرتدي كارفيتة طالب أم أستاذ ؟....يعرف مصطلحات السمستر والقاب والتربيت وتجده أيام الإمتحانات مهموما مثله مثل الطلبة . يعرف أخواني في البيت علاقتي الحميمة معه وكان يسأل عني حينما اكون خارج الخرطوم وأذكر يوم الحادث المشئوم أبلغوني متأثرين بالخبر ... أخي أسامة هنالك الكثير والكثير عن الحبيب( بيش ) وشخصيته التي تستحق التذكار التكريم والإحترام والإحتفاء اشكرك لأنك حفزتني لأكتب ما احس تجاهه ويمكننا أن نتبني سويا مع آخرين مشروع صغير بأسمه عبارة عن سبيل ماء بنادي الشجرة عبارة عن مبرد ماء ( cooler ) في المكان الذي أحبه وارتبط به
منقول .
| |
|
| |
كبتن admin
الجنس : الاسم كامل : أحمد محمد صالح حمزه
الاوسمة :
| موضوع: رد: المرحوم وليد بيش( طني) الجمعة 25 أبريل 2008, 9:40 am | |
| [center]ياالله عليك ياياسر وياعبد السلام الماسجل لحدي اسه والحاجة التانية وينك يااسامة حتي تكمل الموضوع .. رحم الله وليد طني " بيش" | |
|
| |
حمدوك شجرابي مشارك
الجنس :
| موضوع: رد: المرحوم وليد بيش( طني) الأحد 27 أبريل 2008, 3:11 pm | |
| [right][justify]رحم الله وليد واسكنه فسيح جناته وتحياتي الي صاحب المقال عبد السلام والي جميع اسرته الكريمه | |
|
| |
الثعلب شجرابي مميز
الجنس : الاسم كامل : اشرف ابراهيم عثمان
| موضوع: مشاهير الشجرة الأحد 04 مايو 2008, 2:34 am | |
| نرفع الاكف بالدعاء الى المولى عز وجل بان يتغمد وليد بيش برحمته الموضوع جميل جدا" بتاع مشاهير الشجرة عشان كدا دايرين زول يتكلم لينا عن (عباس ويو السيد عثمان طنون البقية الشجرة زاخرة بالمشاهير مع تحياتى | |
|
| |
حسن احمد عثمان admin
الجنس : الاسم كامل : حسن احمد عثمان
الاوسمة :
| موضوع: رد: المرحوم وليد بيش( طني) الأحد 04 مايو 2008, 11:46 am | |
| من اهم الابواب مشاهير الشجره ياشباب الشجره لانه حيكون توثيقى للاجيال القادمه ومعرفه الحاضرين باهل الشجره وناسه واخوكم الكبير عنده كنز معلومات | |
|
| |
كبتن admin
الجنس : الاسم كامل : أحمد محمد صالح حمزه
الاوسمة :
| موضوع: رد: المرحوم وليد بيش( طني) الإثنين 05 مايو 2008, 5:37 am | |
| - الثعلب كتب:
- نرفع الاكف بالدعاء الى المولى عز وجل بان يتغمد وليد بيش برحمته
الموضوع جميل جدا" بتاع مشاهير الشجرة عشان كدا دايرين زول يتكلم لينا عن (عباس ويو السيد عثمان طنون البقية الشجرة زاخرة بالمشاهير مع تحياتى الثعلب .. كتبو عن عباس في الشجرة مدينتي التي احبها .. وقلنا لياسر انقلها لينا وماشائف اي تجاوب | |
|
| |
الثعلب شجرابي مميز
الجنس : الاسم كامل : اشرف ابراهيم عثمان
| موضوع: رد: المرحوم وليد بيش( طني) الثلاثاء 06 مايو 2008, 11:25 am | |
| [quote="حسن احمد عثمان"]من اهم الابواب مشاهير الشجره ياشباب الشجره لانه حيكون توثيقى للاجيال القادمه ومعرفه الحاضرين باهل الشجره وناسه واخوكم [/quote طيب يابوعلى ورينا وهمتك والبداية | |
|
| |
امير شجرابي
الجنس : الاسم كامل : ****
| موضوع: رد على مشاهير الشجرة الأحد 25 مايو 2008, 4:36 pm | |
| ربنا ىتغمد (وليد بش)بى واسع رحمته والله الموضع ده هزة فى وجدانا الكثير انا كل مافتح المنتدى بشعر بالفخر واقول ديل اهلى | |
|
| |
كبتن admin
الجنس : الاسم كامل : أحمد محمد صالح حمزه
الاوسمة :
| موضوع: رد: المرحوم وليد بيش( طني) الإثنين 26 مايو 2008, 6:56 am | |
| - امير كتب:
- ربنا ىتغمد (وليد بش)بى واسع رحمته والله الموضع ده هزة فى وجدانا الكثير انا كل مافتح المنتدى بشعر بالفخر واقول ديل اهلى
| |
|
| |
الثعلب شجرابي مميز
الجنس : الاسم كامل : اشرف ابراهيم عثمان
| موضوع: رد: المرحوم وليد بيش( طني) الإثنين 26 مايو 2008, 12:02 pm | |
| - كبتن كتب:
- امير كتب:
- ربنا ىتغمد (وليد بش)بى واسع رحمته والله الموضع ده هزة فى وجدانا الكثير انا كل مافتح المنتدى بشعر بالفخر واقول ديل اهلى
اولاد محمد صالح لقيتكم شرارة
بس فى اتنين ناقصين الحاصل شنو ؟ | |
|
| |
كبتن admin
الجنس : الاسم كامل : أحمد محمد صالح حمزه
الاوسمة :
| موضوع: رد: المرحوم وليد بيش( طني) الإثنين 26 مايو 2008, 12:29 pm | |
| الله اكبر .. الحقو الزول ده كتلنا عدددددددددددددددديل
| |
|
| |
حمدوك شجرابي مشارك
الجنس :
| موضوع: السيد كبتن المحترم الإثنين 26 مايو 2008, 1:30 pm | |
| يا اخونا حمد االله علي سلامه ظهور االامير بس قول ليه ما تلبد ذي الطيب كرور | |
|
| |
امير شجرابي
الجنس : الاسم كامل : ****
| موضوع: مشاهير الشجرة الإثنين 26 مايو 2008, 5:09 pm | |
| الله اكبر عليك ياالثعلب اسحرنا اولاد محمد صالح دايما ظاهرين وتحياتى يا حمدوك | |
|
| |
الثعلب شجرابي مميز
الجنس : الاسم كامل : اشرف ابراهيم عثمان
| موضوع: رد: المرحوم وليد بيش( طني) الثلاثاء 27 مايو 2008, 2:37 am | |
| - امير كتب:
- الله اكبر عليك ياالثعلب اسحرنا اولاد محمد صالح دايما ظاهرين وتحياتى يا حمدوك
ماشاء الله عيني باردة يا امير بعدين يسحروكم كيف ؟ حسى مهيلم دا يسحرو كيف ؟ وتحياتي الى الاخ ميسرة | |
|
| |
اشرف تيرف شجرابي مشارك
الجنس : الاسم كامل : اشرف عثمان على حاكم
| موضوع: رد: المرحوم وليد بيش( طني) الجمعة 27 يونيو 2008, 6:27 am | |
| اتمنى ان يكتب احد عن الرائع الانسان الجميل المرحوم صلاح سعيد (جقوده) والذى كان يمثل ركنا هاما من اركان مدينتنا وبفقده فقدنا نسانا شاملا لديه الكثير من الصفات النبيله بجانب انه رياضى اصيل فهو انسان طيب الخلق شهم يحمل الكثير من القيم والمبادئ التى نفتقدها فى زمننا هذا عليه اتمنى ان يقوم من اهو اقدر منى بالكتابه عن هذا العملاق | |
|
| |
عبد السلام محمد أحمد شجرابي
الجنس : الاسم كامل : عبد السلام محمد أحمد
| موضوع: رد: المرحوم وليد بيش( طني) الجمعة 27 يونيو 2008, 1:18 pm | |
| الأخ اشرف تحية طيبة اكاد اجزم انك الأقدر علي الكتابة عن المرحوم صلاح سعيد طالما انك اول من ذكره هنا من حقه علينا ان نعرف عنه الكثير فهو من علامات الشجرة الناصعة بادر بايراد سيرته وطباعه ومواقفه امسك قلمك واكتب ما تشاء ونحن في الانتظار | |
|
| |
كبتن admin
الجنس : الاسم كامل : أحمد محمد صالح حمزه
الاوسمة :
| موضوع: رد: المرحوم وليد بيش( طني) الإثنين 30 يونيو 2008, 8:46 am | |
| - عبد السلام محمد أحمد كتب:
- الأخ اشرف
تحية طيبة اكاد اجزم انك الأقدر علي الكتابة عن المرحوم صلاح سعيد طالما انك اول من ذكره هنا من حقه علينا ان نعرف عنه الكثير فهو من علامات الشجرة الناصعة بادر بايراد سيرته وطباعه ومواقفه امسك قلمك واكتب ما تشاء ونحن في الانتظار اول حاجة ياعبدالسلام مشكور على اطرأتك وايضاً اشرف تيرف .. لكن عايزين نكتب مابس عن المراحيم في رجال في الشجرة يستحقوا منا الكتابة واولهم " العم والاستاذ والمربي الفاضل محمد الله جابو " وامثالهم كثر وياريب ياعبدالسلام تبدأ لنا بسردك الرائع وقصصك عن اي من ابناء الشجرة والحماداب انت تدري انه يوجد الكثيرين ولن يعجز قلمك عن كتابتهم .. | |
|
| |
فخري احمد عبدالله admin
الجنس : الاسم كامل : فخري احمد عبدالله
| موضوع: رد: المرحوم وليد بيش( طني) الأربعاء 08 يوليو 2009, 11:57 am | |
| اخواني اب لنا ومربي فاضل للاجيال لم تزكره ارجو ان من يزهب حاتم محمود اليه ويجري معه لقاء وينشره للمنتدي الاستاز سيد محمد علي الاب الروحي لمدينتنا لنتعرف علي الشجره واصلها وتوثيق المعلومات لكل الاجيال اطال الله في عمره ومتعه بالصحه والعافيه ولكل كبار الشجره | |
|
| |
عبد الوهاب احمد الرئيس الفخري
الجنس : الاسم كامل : عبد الوهاب احمد عبده سليمان
| موضوع: رد: المرحوم وليد بيش( طني) الأربعاء 08 يوليو 2009, 5:46 pm | |
| الاخ العزيز / فخري
اثنى على اقتراحك واشد من ازرك ونطالب جميعا الاخ العزيز حاتم ان يلبى لنا هذه الرغبة الاستاذ سيد محمد على معلم الاجيال جدير بان يطل على ابناء الشجرة من هذا المنتدي فهل تحقق لنا هذه الامنية يا حاتم | |
|
| |
فخري احمد عبدالله admin
الجنس : الاسم كامل : فخري احمد عبدالله
| موضوع: رد: المرحوم وليد بيش( طني) الأحد 23 أغسطس 2009, 6:17 am | |
| اخواتي في المنتدي تركتم الثمره الاوله واين المراحيم محمد زين وفرحات وكوبيل واحمد عتيق وعمر يسين واحمد عبدالله وحسن حامد والاحياء العم حسن كوريا والاستاز والمربي الفاضل سيد محمد علي والعم مصطفي شحاته ارجو نت الاخ صلاح خلف الكتبه عن الاولين والموئسسين لهزه المدينه ختي يعرفو الشباب من هم هولاء وشكري لكم | |
|
| |
dorzy admin
الجنس : الاسم كامل : معتز عبد الماحد محمد العوض
الاوسمة :
| موضوع: رد: المرحوم وليد بيش( طني) الأربعاء 02 سبتمبر 2009, 12:40 pm | |
| الهما اغفر لهو وارحمهو واجعلهو مع نبيك امين | |
|
| |
Mohamed ibrahim شجرابي
الجنس : الاسم كامل : Mohamed Ibrahim Eltahir
| موضوع: رد: المرحوم وليد بيش( طني) الإثنين 28 ديسمبر 2009, 9:50 am | |
| - امير كتب:
- الله اكبر عليك ياالثعلب اسحرنا اولاد محمد صالح دايما ظاهرين وتحياتى يا حمدوك
والله يا امير لقيتك علم بس في اي سايد خش القاك هاهاها | |
|
| |
Mohamed ibrahim شجرابي
الجنس : الاسم كامل : Mohamed Ibrahim Eltahir
| موضوع: رد: المرحوم وليد بيش( طني) الإثنين 28 ديسمبر 2009, 9:50 am | |
| - امير كتب:
- الله اكبر عليك ياالثعلب اسحرنا اولاد محمد صالح دايما ظاهرين وتحياتى يا حمدوك
والله يا امير لقيتك علم بس في اي سايد خش القاك هاهاها | |
|
| |
| المرحوم وليد بيش( طني) | |
|