منتدى الشجرة والحماداب
منتدى مدينة الشجرة والحماداب
منتدى الشجرة والحماداب
منتدى مدينة الشجرة والحماداب
منتدى الشجرة والحماداب
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


 
الرئيسيةأحدث الصورالتسجيلدخول

 

 إضراب أطباء السودان

اذهب الى الأسفل 
+6
dorzy
أبوسيد
ابووجيدة
شجراوى
ايناس عدوي
عثمان بشير
10 مشترك
كاتب الموضوعرسالة
عثمان بشير
شجرابي مميز
شجرابي مميز



الجنس : ذكر الاسم كامل : عثمان بشير عثمان بابكر

إضراب أطباء السودان Empty
مُساهمةموضوع: إضراب أطباء السودان   إضراب أطباء السودان I_icon_minitimeالأحد 21 مارس 2010, 5:22 am

أضرب جميع أطباء الإمتياز وجميع نواب الأخصائيين وبعض الأخصائيين في جميع المستشفيات الحكوميه بالسودان منذ يوم الثلاثاء الماضي لأسباب تتعلق بتحسين المرتبات وعدم صرف بعض المستحقات وكانو قدطالبو الوزاره من قبل بصرف مستحقاتهم ووعدتهم الوزاره ولكن لم تنفذ معظم المتفق عليه وقدأثرالإضراب تأثيراواضحافي المرضي في تلك المستشفيات وازدادت حالةالمرضي سوءا وبعدكل هذا بدل أن تحل الوزاره المشكله قامت بفصل عددكبيرمن الأطباء معقدةبهذا التصرف المشكله وغيرمباليه بصحةهؤلاء المرضي ومازال الأطباء متمسكون بمبدأهم ويطالبون بحل مشاكلهم عمليا وترك الوعودالزائفه وقدجاء الأطباء المنتسبين للمؤتمرالوطني في إجتماع في ميزالأطباء مع بدايةالمشكله وأعلنوالجهادكما زعموعلي الأطباء المضربين كماذكرت صحيفةأجراس الحريه
الرجوع الى أعلى الصفحة اذهب الى الأسفل
ايناس عدوي
شجرابي زهبي
شجرابي زهبي



الجنس : انثى الاسم كامل : ايناس مصطفى عدوي

إضراب أطباء السودان Empty
مُساهمةموضوع: رد: إضراب أطباء السودان   إضراب أطباء السودان I_icon_minitimeالأحد 21 مارس 2010, 5:59 am

نص بيان اطباء السودان
بسم الله الرحمن الرحيم
بيان جماهيري
إلى جماهير شعبنا الأوفياء
لقد تابعتم بلا شك إضراب أبنائكم الأطباء في الفترة الماضية سعيا وراء تحسين الأوضاع الصحية المتردية بالبلاد ، و ماصحبه من أكاذيب و تضليل مارستة قيادات معزولة بوزارة الصحة وصل لحد تهديد الأطباء بالفصل التعسفي على شاشات التلفاز القومي، و إستخدام الشرطة للإعتداء على ميز الأطباء و منعهم من تقديم الخدمة العلاجية للمواطنين بالحوادث بعد تمسكهم بإرتداء ديباجة الإضراب. لقد إنحدرت الوزارة في مستنقعات اللا أخلاقية بإجبار أطباء الخدمة الوطنية فيما يسمى بلجنة الطوارئ بالعمل بالمستشفيات رغم كونهم أطباء إمتياز لا يحق لهم قانونا العمل دون إشراف من النواب أو الأخصائيين.
إن مطالب أبنائكم تتلخص في تحسين بيئة العمل و شروط الخدمة حرصا على حقوق المرضى و ترقية للخدمات الطبية بالبلاد، و حتى يستبين الخبيث من الطيب نعلن لكم مطالب الأطباء العادلة:...
1) توظيف الأطباء العاطلين عن العمل لمواجهة تكدس المرضى بالمستشفيات و توفير مستوى خدمات علاجية أفضل للمرضى حيث أن الطبيب الآن يتبطل لسنوات عدة رغم الحوجة الماسة إليه خاصة بالولايات الطرفية.
2) تأهيل المستشفيات و أماكن العمل في كل أرجاء السودان ليتمكن الطبيب من أداء واجبه بإحترافية بدلا عن الواقع المزري للخدمات حاليا و التي تلمسونها يوميا، نطالب ببيئة عمل مجهزة و حديثة لصالح مرضانا.
3) مجانية الفحوصات و العلاجات بالمستشفيات و المراكز الصحية و توفير كل معينات التشخيص لئلا يعاني المرضى بالسعى وراءها بالقطاع الخاص الفاحش الغلاء، و ليتمكن الطبيب من ممارسة عملة بمهنية عالية.
4) الوفاء بالمتأخرات المالية المتراكمة للأطباء منذ سنين عددا بطرف وزارة الصحة فورا.
5) تحسين مرتبات الأطباء و العاملين بالحقل الصحي حيث لا تتجاوز حاليا حد الكفاف ، كيف يستطيع طبيب العمل ليل نهار بالمستشفيات الحكومية و مرتبه لا يتجاوز 650جنية.
6) حماية الطبيب في مكان عملة من الإعتداءات المتكررة و توفير حقيبة طوارئ منقذة للحياة لكل طبيب مجانا.
7) تفعيل الدورات التدريبية و المكتبات الإلكترونية الحديثة و الأبحاث لضمان مواكبة التطورات الطبية العالمية.
جماهير شعبنا الأوفياء
إن لأبنائكم الأطباء قضية عادلة و موضوعية لا تكلف الدولة سوى نذر يسير مما تصرفه على أشياء أقل منها أهمية بكثير، لا يعقل أن تكون ميزانية الصحة بالسودان 4.5% فقط من الموازنة العامة للدولة رغم حوجة البلاد لكل الأطباء العاطلين حاليا عن العمل.
لكل هذه الأسباب فقد أجبرنا على إعلان إضراب عن العمل لمدة إسبوع إبتدائا من الثلاثاء 16/3/2010 مع الحرص التام على تغطية الحوادث و الحالات الطارئة مالم نجبر بالقوة على إخلاء الحوادث كما حدث بمستشفى حوداث الأطفال أمدرمان بقوة من الشرطة.
لجنة إضراب أطباء السودان
17/3/2010
الرجوع الى أعلى الصفحة اذهب الى الأسفل
شجراوى
شجرابي مشارك
شجرابي مشارك
شجراوى


الجنس : ذكر الاسم كامل : حاتم عبدالقادر

إضراب أطباء السودان Empty
مُساهمةموضوع: رد: إضراب أطباء السودان   إضراب أطباء السودان I_icon_minitimeالأحد 21 مارس 2010, 6:31 am

وكأن التاريخ يعيد نفسه للعام 1985م .. فهل ثم هل ...!!!!!

نورة تحلم بي عوالم
زي رؤى الأطفال حوالم
لا درادر .. لا عساكر .. لا مظاليم لا مظالم
الرجوع الى أعلى الصفحة اذهب الى الأسفل
ابووجيدة
جيل العمالقة
جيل العمالقة



الجنس : ذكر الاسم كامل : ابو وجيدة

إضراب أطباء السودان Empty
مُساهمةموضوع: رد: إضراب أطباء السودان   إضراب أطباء السودان I_icon_minitimeالأحد 21 مارس 2010, 6:44 am

لك الله يا وطني لك الله يا وجعي لكم الله يا قمة الهرم التعليمي 10 في المائة من ميزانية الدولة للصرف على القصر من اين يدفعو للتعليم و الصحة اساسيات حياة وفي الحالتين المواطن ضايع الم الم الم الم الم (000000000000000000000000000000000000000000000000000000
الرجوع الى أعلى الصفحة اذهب الى الأسفل
زائر
زائر




إضراب أطباء السودان Empty
مُساهمةموضوع: رد: إضراب أطباء السودان   إضراب أطباء السودان I_icon_minitimeالأحد 21 مارس 2010, 5:58 pm

انا لاكوز ولاحاجة
جميع شباب الشجرة بيعرفو بابكر الفكى ود الشجرة جنوب؟
لاكين الكلام القريتو دة وراهو مخربين ولازم يقوم عليهم الحد
المزايدات السياسية بى كلام معسول اراد بة حق ومن وراية باطل
انا لى 12 سنة من السودان جيت السودان السنة دى
كانوا يعانون من الفقر والمرض والجهل وندرت مقومات الحياء منكهرباء وماء ودواء وتعليم
وعند رجوعى السودان كزيارة لقيت انقلب الحال 100 درجة
الكهرباء لم تنقطع بوجودى بالسودان ولا حتى دقيقة واحدة وكزالك الماء
ولقيت الاطفال حافظين جزو كبير من كتاب اللة والسنة مع التجويد ونحنى زمان ماحافظين شى قير {.اليلة الدين سجم الماحافظين}
كانت الدفارات الزحمة فى المواصلات النشالين مالين البلد والبنات واقفات فى الطريق شارع القابة لحدى الشجرة اكتر من 100 واحدة اسة مافى غير اتنين ولا تلاتة
اسة العربات المكندشة والحافلات المريحة ومقاهى النت والمطاعم النظيفة والناس زمان تلاقى فى كل زاوية شكلة اسة ماسمعتة واحد قال لى واحد كلمة بتزعلو ساكت
معناهى الناس مرتاحة جدا جدا ماعندهى مشاكل الناس جارية جرى تلم فى القروش زمان كانت الوظيفة تمام اسة سواق الرقشة بطلع احسن من الوزير يعنى الزمن دة زمن شقل ما زمن مكاتب زمن حركةوجرى
والدايرنى نرجع زى زمان قول للزمان ارجع يازمان
وشفة مظلة التامين الصحى اسعار الدواءفى متناول الجميع
يعنى السودان تمام وبى خيرو
الناس دى دايرة شنو غير هدم القيم الجميلة وان تعم الفحشاء والمنكر البلد الطيب بى اهلو السودان
سير سير يالبشير نحنى جنودك للتعمير


[إضراب أطباء السودان 32H09804


عدل سابقا من قبل بابكر الفكى في الأحد 21 مارس 2010, 6:17 pm عدل 1 مرات
الرجوع الى أعلى الصفحة اذهب الى الأسفل
زائر
زائر




إضراب أطباء السودان Empty
مُساهمةموضوع: رد: إضراب أطباء السودان   إضراب أطباء السودان I_icon_minitimeالأحد 21 مارس 2010, 6:05 pm

إضراب أطباء السودان KIf09561
الرجوع الى أعلى الصفحة اذهب الى الأسفل
ابووجيدة
جيل العمالقة
جيل العمالقة



الجنس : ذكر الاسم كامل : ابو وجيدة

إضراب أطباء السودان Empty
مُساهمةموضوع: رد: إضراب أطباء السودان   إضراب أطباء السودان I_icon_minitimeالإثنين 22 مارس 2010, 3:40 am

[quote="بابكر الفكى"]انا لاكوز ولاحاجة
جميع شباب الشجرة بيعرفو بابكر الفكى ود الشجرة جنوب؟
لاكين الكلام القريتو دة وراهو مخربين ولازم يقوم عليهم الحد
المزايدات السياسية بى كلام معسول اراد بة حق ومن وراية باطل
انا لى 12 سنة من السودان جيت السودان السنة دى
كانوا يعانون من الفقر والمرض والجهل وندرت مقومات الحياء منكهرباء وماء ودواء وتعليم
وعند رجوعى السودان كزيارة لقيت انقلب الحال 100 درجة
الكهرباء لم تنقطع بوجودى بالسودان ولا حتى دقيقة واحدة وكزالك الماء
ولقيت الاطفال حافظين جزو كبير من كتاب اللة والسنة مع التجويد ونحنى زمان ماحافظين شى قير {.اليلة الدين سجم الماحافظين}
كانت الدفارات الزحمة فى المواصلات النشالين مالين البلد والبنات واقفات فى الطريق شارع القابة لحدى الشجرة اكتر من 100 واحدة اسة مافى غير اتنين ولا تلاتة
اسة العربات المكندشة والحافلات المريحة ومقاهى النت والمطاعم النظيفة والناس زمان تلاقى فى كل زاوية شكلة اسة ماسمعتة واحد قال لى واحد كلمة بتزعلو ساكت
معناهى الناس مرتاحة جدا جدا ماعندهى مشاكل الناس جارية جرى تلم فى القروش زمان كانت الوظيفة تمام اسة سواق الرقشة بطلع احسن من الوزير يعنى الزمن دة زمن شقل ما زمن مكاتب زمن حركةوجرى
والدايرنى نرجع زى زمان قول للزمان ارجع يازمان
وشفة مظلة التامين الصحى اسعار الدواءفى متناول الجميع
يعنى السودان تمام وبى خيرو
[color=red]الناس دى دايرة شنو غير هدم القيم الجميلة وان تعم الفحشاء والمنكر البلد الطيب بى اهلو السودان
سير سير يالبشير نحنى جنودك للتعمير[/ ]


ابداك من وين 00000 والله خليها 00000 بتجيب مشاكل
اولاً حمد الله على السلامة تاني ما ترجع خليك قاعد عشان تشوف من يهدم في القيم
ثانياً وجهة نظرك لم نرد عليها انظر للواقع حولك
انت داير الاطبا ديل يشتغلو سواقين رقشة والله شنو
بالله اقعد 12 سنة في السودان وبعد ورينا الحاصل عشان نرجع نحن كمان
اما موضوع الخدمات اتقي الله في المواطن يا ود الفكي
وسلامي للاخ على ومحمد كيس وكل ابناء الشجرة جنوب وبالله شوف من دفعتك في كم نفر قاعد في السودان
والصورة دي صغيرة لو سمحة كبرها شوية عشان نعرف صاحبها منو
ولك الشكر على المرور ولكن لنا وقفات على ما كتبة والمنتدى ليس مكانه وان شاء الله نتلقاء عند اكمبو وتعرف انت واعرف انا
الرجوع الى أعلى الصفحة اذهب الى الأسفل
زائر
زائر




إضراب أطباء السودان Empty
مُساهمةموضوع: رد: إضراب أطباء السودان   إضراب أطباء السودان I_icon_minitimeالإثنين 22 مارس 2010, 5:57 am

السلام عيك اخى ابو وجيدة الزمن دة زمن حرية فى السودان يعنى اكتب اسمك بالكامل علشان نتعرف عليك وياسلام لوختيت ليك صورة علشان نتعرف عليك اكتر ومتخاف من اى زول نحنى لسة اولاد الشجرة بالدم بنفديك ولو كنت فى اى مكان واول حاجة انا برة السودان
تانى تقبل سلام اخوانى بالنيابة عنهم
تالت حاجةالسودان اتقير كتير تعال زيارة وشوف براك مافى زول شقليهو بى زول والحاكومة شقالة عمار فى عمار والموطنين شقالين بيبنو فى عمارات وفلل احلى من العندكم هناك والعربات اخر الموديلات والدش بقى مركب فىكل البيوت والشباب مافى زول قاعد فى ضل العواميد زى زمان الناس اتملت قروش والبتقول عليهم مساكين بقو فوق الريح والكنو مرتحين زمان اسة بقو بيمشو سياحة لى مصر وسورية ودبى وبيقعدو هناك فى احسن الفنادق والشاليهات على البحر
يعنى رجعنى لى عزنا بقى فى احترام كبير للمواطن السودانى فى الخارج والسفارات بقت واقفة مع المواطن فى الخارج بتحمى المواطن بي المال والسلطة وبتعمل اجتماعت مع الجاليات هناك وبيسالو عن مشاكلهم وبيحلوهى ليهم بالقالى والنفيس يعنى بقينى زى الموطنين الامريكين
والحروب والمشاكل فى السودان خلاص انتهت بدون رجعى حتى البسو المشاكل فى دارفور طلباتون شنو على شان يوقفو الحرب قالو دايرين قروش يعنى الحرب زاتة كانت ما عشان حريات ودمقراطية ولا عشان مهمشين كانت لى حرامية دايرين ينهبو ويسرقو والمواطن هو الضايع فى الاول والاخير والشعارات كلهى كزب ونفاق يعنى المشاكل فى السودان هى اساسة فتنى خارجية من امريكة واسرايل على الاسلام والمسلمين والمابشوف بالقربال اعمى
وصحى كان فى ظلم فى بداية الانقاز رفدو الناس وقتلو وسجنو وعزبو وجوعو وشردو وكرهو الناس فى الدين والدنية والانو بيسو المشاكل دى طردوهم من مناصبهم وشالو السلطى من ايدون جماعت الترابى وشلتو وبقى الموطن هو هدف الدولة وهوراسمالة
واللة بيقبل التوبة وصلحو كل القلط السو وطلعو البترول وصلحو البلد ورفعو راسنا فوق جوى السودان وبرى منو
ولكم حبى وحب البشير وجماعتة
ملحوظة اكتبلى انتة زعلان من البشير مالك ونشاء اللة بترجع تحبو زى ***** انا كنت زمان زيك واللة هدانى

إضراب أطباء السودان S5Z51727

إضراب أطباء السودان Is551727

إضراب أطباء السودان HLt51819
الرجوع الى أعلى الصفحة اذهب الى الأسفل
شجراوى
شجرابي مشارك
شجرابي مشارك
شجراوى


الجنس : ذكر الاسم كامل : حاتم عبدالقادر

إضراب أطباء السودان Empty
مُساهمةموضوع: رد: إضراب أطباء السودان   إضراب أطباء السودان I_icon_minitimeالإثنين 22 مارس 2010, 4:15 pm

اعادنا البيان الى العام 1985
وارجعنا تعليق بابكر إلى مسرحية شاهد ما شفش حاجه
الرجوع الى أعلى الصفحة اذهب الى الأسفل
زائر
زائر




إضراب أطباء السودان Empty
مُساهمةموضوع: رد: إضراب أطباء السودان   إضراب أطباء السودان I_icon_minitimeالخميس 25 مارس 2010, 2:48 am

إضراب أطباء السودان Vxq34671
الرجوع الى أعلى الصفحة اذهب الى الأسفل
شجراوى
شجرابي مشارك
شجرابي مشارك
شجراوى


الجنس : ذكر الاسم كامل : حاتم عبدالقادر

إضراب أطباء السودان Empty
مُساهمةموضوع: رد: إضراب أطباء السودان   إضراب أطباء السودان I_icon_minitimeالخميس 25 مارس 2010, 5:24 am

شكراً يا بابكر على التوجيه فما أجمل أن نجد من يوجهنا ...

ولكن يا صديقي أليس من الاجمل أن يتوقف المرء قليلاً مع (احرفه) قبل أن ينزلها على الورق ...

أ([color=red]وعند رجوعى السودان كزيارة لقيت انقلب الحال 100 درجة
الكهرباء لم تنقطع بوجودى بالسودان ولا حتى دقيقة واحدة وكزالك الماء
ولقيت الاطفال حافظين جزو كبير من كتاب اللة والسنة مع التجويد ونحنى زمان ماحافظين شى قير {.اليلة الدين سجم الماحافظين}
كانت الدفارات الزحمة فى المواصلات النشالين مالين البلد والبنات واقفات فى الطريق شارع القابة لحدى الشجرة اكتر من 100 واحدة اسة مافى غير اتنين ولا تلاتة
اسة العربات المكندشة والحافلات المريحة ومقاهى النت والمطاعم النظيفة والناس زمان تلاقى فى كل زاوية شكلة اسة ماسمعتة واحد قال لى واحد كلمة بتزعلو ساكت
معناهى الناس مرتاحة جدا جدا ماعندهى مشاكل[/color])

لو تذكر القاضي عندما قال لسرحان عبدالبصير (كفاية متوديناش فى دهية) أقولها لك (كفاية متوديناش فى دهية) ...
الرجوع الى أعلى الصفحة اذهب الى الأسفل
أبوسيد
شجرابي مميز
شجرابي مميز
أبوسيد


الجنس : ذكر الاسم كامل : الطيب سيد ابراهيم الدالي

الاوسمة
 :  

إضراب أطباء السودان Empty
مُساهمةموضوع: رد: إضراب أطباء السودان   إضراب أطباء السودان I_icon_minitimeالخميس 25 مارس 2010, 6:31 am

كان يبقي ده المنطق
ورونا ...قّرّونا
كان العلاج الدق
مالو اليدقونا
وجلد الطبيب كان حق
خلي اليجلدونا
كان للنفس نشهق
لو حتي شلونا
بالوجعه نتحنطق
للاخره ودونا
الصف ده ما بنشق
مهما يذلونا
ونور الحقيقه ببق
وفي نارو بلقونا
يات دوله في التاريخ
اتحرو ورونا؟؟؟ا
بتسيب طبيبا جريح
عسكر وبسطونه
بتخلي للتجريح
يتشفو فيه وفينا
يات دوله في التاريخ
اتحرو ورونا
لو حتي في المريخ
والله تب شينه
ايه ذنبو قال وصريح
اوضاعو مازينه
قال الوضع مامريح
حلوها بس لينا؟؟؟؟؟؟
ماقلنا دايرين سيخ
اتسلحو وجونا
عسكر بدون تسريح
اتحزمو رجونا
سيطان تسوي فحيح
اعلان جهاد فينا
ياربي نحنا مسيح
دينم ده ما دينا؟؟
قايلين طبيبنا لتيخ
بيخوفوه واضينه
لو حتي دمو يسيح
اخوكي يالزينه
مابنكسر للريح
منكوره يالشينه
حنكتب التاريخ
لو حتي صلبونا
حنبقي نحن ضريح
اجيال تزور فينا
الرجوع الى أعلى الصفحة اذهب الى الأسفل
dorzy
admin
admin
dorzy


الجنس : ذكر الاسم كامل : معتز عبد الماحد محمد العوض

الاوسمة
 :  

إضراب أطباء السودان Empty
مُساهمةموضوع: رد: إضراب أطباء السودان   إضراب أطباء السودان I_icon_minitimeالخميس 25 مارس 2010, 7:23 am

والله الاطباء تعبانين والقروش بسيطه ومافي ترحيل وليهم حقي في الاضراب
الرجوع الى أعلى الصفحة اذهب الى الأسفل
ابووجيدة
جيل العمالقة
جيل العمالقة



الجنس : ذكر الاسم كامل : ابو وجيدة

إضراب أطباء السودان Empty
مُساهمةموضوع: رد: إضراب أطباء السودان   إضراب أطباء السودان I_icon_minitimeالخميس 25 مارس 2010, 8:50 am

ابوالسيد الطيب تسلم على الابيات والله دي برها بيان
الرجوع الى أعلى الصفحة اذهب الى الأسفل
ابوناديه
شجرابي
شجرابي



الجنس : ذكر الاسم كامل : Gamal Salim

إضراب أطباء السودان Empty
مُساهمةموضوع: اضراب اطباء السودان   إضراب أطباء السودان I_icon_minitimeالخميس 25 مارس 2010, 6:15 pm

قال : انت ماملاحظ انو حاجاتك دخلت في حاجاتي وفي الحته دي زي بقي في اشكاليه في موقف زي بقي مامحتمل

قلت: البيفهم كلامك ده احتمال يفهم كلام بابكر الفكي عن وضعنا في السودان وممكن يتفهم انفعال ابو وجيده
وتحياتي لكل ابناء الشجره في كل بقاع الدنيا وخصوصا ازهري اسماعيل
الرجوع الى أعلى الصفحة اذهب الى الأسفل
شجراوى
شجرابي مشارك
شجرابي مشارك
شجراوى


الجنس : ذكر الاسم كامل : حاتم عبدالقادر

إضراب أطباء السودان Empty
مُساهمةموضوع: رد: إضراب أطباء السودان   إضراب أطباء السودان I_icon_minitimeالجمعة 26 مارس 2010, 3:14 pm

سلامات يا جمال

هو نحن إتذكرنا سرحان عبدالبصير من (هين) ما عشان جنس الكلام دا
الرجوع الى أعلى الصفحة اذهب الى الأسفل
عثمان بشير
شجرابي مميز
شجرابي مميز



الجنس : ذكر الاسم كامل : عثمان بشير عثمان بابكر

إضراب أطباء السودان Empty
مُساهمةموضوع: رد: إضراب أطباء السودان   إضراب أطباء السودان I_icon_minitimeالسبت 27 مارس 2010, 3:56 am

انا طولت من المنتدي لاني كنت مشغول شويه اخواني الفضلاء شكرا علي المرور واسمح لي يا بابكر اني اقول ليك انك بعيد وما مواكب وفي تفاصيل انت ما ملم بيها لاني ما بقدر اظلمك واتهمك انك مع الجماعه اولا الاطباء الذين اضربو نحن نعرف منهم الكثيرين فهم علي مستوي عالي جدا من الادب والاخلاق ولايريدون فوضي او تخريب والذي يريدفوضي اوتخريب لا يضرب وانما من اراد الفوضي والتخريب هم الذين اقتحمو الميز وهم يرددون فلترق منهم دماء واريد ان احيط الاخ بابكر علما بان مرتب نائب الاخصائي لا يتعدي الثمانمئةجنيه ومرتب الطبيب الامتيازلايتعدي الستمائه جنيه ومع ذلك لاتصرف بصوره دائمه فلهم مستحقات تاخرت جدا وقداعترفت الوزيره بذلك واتفقت معهم اتفاق ولم تنفذ الكثير منه وانا اسالك سؤالا اخي بابكر اذا كان السودان والانقاذ بهذا المستوي الجيد في كل المجالات من صحه وتعليم وخلق ومواصلات وخدمات فلماذا تركته ولجات الي العمل في الخارج فلا نغالط انفسنا وندفن رؤوسنا في الرمل اخي بابكر واذا كانت حكومة الانقاذ قدشيدت بعض الطرق والكباري والشوارع هنا وهناك وهذا حق فانها قد شيدته علي حساب الدين والعادات والتقاليد السمحه التي كان يتمتع ويتميز بها السوداني فاذا كانت المدنية والتقدم علي حساب الدين والخلق والمبادئ فلامرحبا به يا اخي نرقع دنيانا بتمزيق ديننا فلا ديننا يبقي ولامانرقع ثم اي تقدم تتحدث عنه والله اننا في كل عام يمر نكون اسوا من العام الذي قبله ونحن من اكثر الدول تخلفا في كل شئ حسب الاحصائيات فهؤلاء القوم لم يقدمو لنا دنيا بمستوي جيد ولا تركونا كما كنا علي قدر لاباس به من الدين والاخلاق والمروؤه فاصبحنا مسخا مشوها وانا اري ان هذه المدافعه عن هؤلاء القوم لا اصل لها وهي داخله في قوله تعالي (هانتم جادلتم عنهم في الحياة الدنيا فمن يجادل الله عنهم يوم القيامه ) ولي عوده اذا لم يطرا طارئ او يطرق طارق اعوذ بالله من طوارق الليل والنهار الاطارق يطرق بخير
الرجوع الى أعلى الصفحة اذهب الى الأسفل
Ali Osman Ali Taha
شجرابي ماسي
شجرابي ماسي
Ali Osman Ali Taha


الجنس : ذكر الاسم كامل : Ali Osman Ali Taha

الاوسمة
 :  

إضراب أطباء السودان Empty
مُساهمةموضوع: رد: إضراب أطباء السودان   إضراب أطباء السودان I_icon_minitimeالسبت 27 مارس 2010, 9:05 am

السلام عليكم
ليس لى الا ان اقول للاخ بابكر اتقى الله.
فلو عشت معى فى ميز الاطباء ببورتسودان لضحت قليلا ولبكيت كثيرا.
وما داير اتكلم فى الكندشة والفرفشة الجيت شفتها..
وما دايرك تظلم اخوانك الاطباء عشان عندهم رأى ,تقول محرضين--
الرجوع الى أعلى الصفحة اذهب الى الأسفل
زائر
زائر




إضراب أطباء السودان Empty
مُساهمةموضوع: رد: إضراب أطباء السودان   إضراب أطباء السودان I_icon_minitimeالأحد 28 مارس 2010, 1:37 am

حمد للة على السلامة اخى عثمان
لن يتركوكم اليهود ولا النصارى حتى تتبعو ملتهم ان الحروب التى شهتموهى والفتن وقلاء المعيشى فى السودان انهى لفتنة حتى يتمكنو من نشر الرزيلة وفتح البارات وبيوت الدعارة وظهور اللواط حتى يتزوج الرجل من الرجل والمرى من المرى وان يمحو الدين الاسلامى من الوجود فهل رضيتم بزالك وان اضراب الاطباء نوع من انواع الفتة حتى ينجر معة بقيت الشعب وظهور المظاهرات هنى وهناك ليشنو؟
لان الانقاز رفعت رايت الاسلام فقط و مارفعت الاسلام لو رفعت الاسلام وطبقت الشريعة كان حصل منهم شنو؟
واخوتى الاطباء هناك قوم اختصهم اللة لقضاء حوايج الناس وان عملكم وتعليمكم وزكاكم هى هبة من اللة عز وجل فلا تنجرو وراء الدنية وتنسو الاخرة وعملكم جهاد واجرة عند اللة
والارزاق بيد اللة وليسة بايد الحاكومة؟

وعمر ابن الخطاب قال مافى يوم طلع فية الشمس الا اسوى من اليوم القبلة ونحنى نشهد الان اخر الزمان وان الزى يمسك بدينة كانة يمسك بجمرة من نار من الفتن التى نشوفهى من الكاسيات العاريات ومن النت ومن الفساد الزى عمى البر والبحر اسال اللة السلامة قولو امين
الرجوع الى أعلى الصفحة اذهب الى الأسفل
أبوسيد
شجرابي مميز
شجرابي مميز
أبوسيد


الجنس : ذكر الاسم كامل : الطيب سيد ابراهيم الدالي

الاوسمة
 :  

إضراب أطباء السودان Empty
مُساهمةموضوع: رد: إضراب أطباء السودان   إضراب أطباء السودان I_icon_minitimeالأحد 28 مارس 2010, 3:12 am

بابكر الفكى كتب:
حمد للة على السلامة اخى عثمان
لن يتركوكم اليهود ولا النصارى حتى تتبعو ملتهم ان الحروب التى شهتموهى والفتن وقلاء المعيشى فى السودان انهى لفتنة حتى يتمكنو من نشر الرزيلة وفتح البارات وبيوت الدعارة وظهور اللواط حتى يتزوج الرجل من الرجل والمرى من المرى وان يمحو الدين الاسلامى من الوجود فهل رضيتم بزالك وان اضراب الاطباء نوع من انواع الفتة حتى ينجر معة بقيت الشعب وظهور المظاهرات هنى وهناك ليشنو؟
لان الانقاز رفعت رايت الاسلام فقط و مارفعت الاسلام لو رفعت الاسلام وطبقت الشريعة كان حصل منهم شنو؟
واخوتى الاطباء هناك قوم اختصهم اللة لقضاء حوايج الناس وان عملكم وتعليمكم وزكاكم هى هبة من اللة عز وجل فلا تنجرو وراء الدنية وتنسو الاخرة وعملكم جهاد واجرة عند اللة
والارزاق بيد اللة وليسة بايد الحاكومة؟

وعمر ابن الخطاب قال مافى يوم طلع فية الشمس الا اسوى من اليوم القبلة ونحنى نشهد الان اخر الزمان وان الزى يمسك بدينة كانة يمسك بجمرة من نار من الفتن التى نشوفهى من الكاسيات العاريات ومن النت ومن الفساد الزى عمى البر والبحر اسال اللة السلامة قولو امين


الأخ الكريم بابكر الفكي نسأل الله السلامة لنا ولك ولسائر جميع المسلمين..

وأتمنى أن يكون نقاشك في الموضوع المطروح أمامك وأن لا تخرج عن هذا الإطار وحقيقتاً ما تتحدث عنه لا علاقة له بهذا الموضوع!!

فهل عندما يطالب الإنسان بحقوقه تعتبر هذه فتنة !! وأين الفتنة في ذلك؟؟؟؟ّّ!!!!!

وهل اليهود هم الذين لم يقومو بصرف رواتب الأطباء حتى يتمكنو من نشر الفتنة وما ذكرته أعلاه ؟؟؟؟!!!!

لقد ذكرت في مشاركة سابقة في هذا البوست بأن الناس في السودان مرتاحين جداً جداً والآن تتحدث عن غلاء المعيشة في السودان فكيف يكون ذلك؟؟؟!!!!

وأتمنى أن لا تناقد نفسك بنفسك كما ارجو أن يكون حوارك موضوعي وذات نقد بناء حتى يتقبله الجميع بصدر رحب وتجد الردود المقبولة.

لك كل الود
الرجوع الى أعلى الصفحة اذهب الى الأسفل
dorzy
admin
admin
dorzy


الجنس : ذكر الاسم كامل : معتز عبد الماحد محمد العوض

الاوسمة
 :  

إضراب أطباء السودان Empty
مُساهمةموضوع: رد: إضراب أطباء السودان   إضراب أطباء السودان I_icon_minitimeالأحد 28 مارس 2010, 5:51 am

الي الاخ العزيز بابكر الفكي اتجه الموضوع الي اتجاه اخر فارجو الاعتزار لي الاطباء وانا معك اقول ناسف ولكا حبي واحترامي
الرجوع الى أعلى الصفحة اذهب الى الأسفل
ام محمد معتز
شجرابي مميز
شجرابي مميز



الجنس : انثى الاسم كامل : نوارة محمد نور

إضراب أطباء السودان Empty
مُساهمةموضوع: رد: إضراب أطباء السودان   إضراب أطباء السودان I_icon_minitimeالأحد 28 مارس 2010, 6:51 am

والله الاطباء عندهم حق
الرجوع الى أعلى الصفحة اذهب الى الأسفل
غاده
شجرابي مميز
شجرابي مميز
غاده


الجنس : انثى الاسم كامل : غاده سعيد

إضراب أطباء السودان Empty
مُساهمةموضوع: رد: إضراب أطباء السودان   إضراب أطباء السودان I_icon_minitimeالأحد 28 مارس 2010, 10:28 am

الاخوه الاطباء في كل السودان ما بس في الشجره ليكم تحيه واجلال
احنا ما بنقول انو السودان اليوم ما احسن
ولا بنقول انو مافي تقدم بالزات في المجال الطبي تسلم ايديكم
وده عن تجربتي الشخصيه مع مرض الفشل الكلوى لحدي ما زرعت ومتابعتي بعد ذلك
ياخ بابكر ماتطلع من الموضوع ناس عايزه حقها وبس ,وحقو الموضوع ده نخليهو للناس الواطيه الجمره بي نفسها ما الجايين لاحقيين الكندشه
ولا شنو




flower


عدل سابقا من قبل غاده في الأحد 28 مارس 2010, 10:38 am عدل 1 مرات
الرجوع الى أعلى الصفحة اذهب الى الأسفل
شجراوى
شجرابي مشارك
شجرابي مشارك
شجراوى


الجنس : ذكر الاسم كامل : حاتم عبدالقادر

إضراب أطباء السودان Empty
مُساهمةموضوع: رد: إضراب أطباء السودان   إضراب أطباء السودان I_icon_minitimeالأحد 28 مارس 2010, 10:31 am

يا بابكر ود الفكي فهمنا إنت داير شنو ، عشان نقدر نحل ليك مشكلتك .. وبعدين موضوع الانقاذ والعملته ما محتاج لكلامك عنو ، كلنا عندنا عيون والحمد الله بنشوف بيها ، ولو عندك كلام تاني قولوا وخلينا من (الفتنة) والكلام المعجن ، البلد دي طالما كبيرة وعاجباك ما لك (فارقتها) ؟ ولا تكون خايف من الفتنة ..!! والله برضو إحتمال
الرجوع الى أعلى الصفحة اذهب الى الأسفل
عثمان بشير
شجرابي مميز
شجرابي مميز



الجنس : ذكر الاسم كامل : عثمان بشير عثمان بابكر

إضراب أطباء السودان Empty
مُساهمةموضوع: رد: إضراب أطباء السودان   إضراب أطباء السودان I_icon_minitimeالأحد 28 مارس 2010, 11:26 am

الاخوه الفضلاء لكم التحيه والاحترام الاخ بابكر سلمك الله يبدو انك تميل الي الكلام المباشر وانا مستعد وربنا يجيب العواقب سليمه اولا اخي كما قال الاخوه الفضلاء انت خرجت عن اصل الموضوع ولكن لنخرج معك قليلا ولاحرج اولا اخي الكريم اجندة اليهود والنصاري التي تحدثت عنها موجوده فعلا في السودان وبحماية الدستور وشغالين تنصير نهارا جهارا وفي شجرتنا دي في ناس اتنصرو وانا بعرفهم بعينهم ثانيا كلامك عن الفواحش والزنا واللواط والسحاق والمخدرات وغيرها كثيييييييييير فهي متوفره للاسف بصوره مقرفه جدا ومنظمه ثالثا الانقاذ كما ذكر الاخ حاتم معروفة المبادئ والسياسات وهناك الكثير الذي يستحي ابليس عن ذكره يمكننا ان نذكره لك اذا جئت باذن الله لكي تاتي وتجدنا بخير رابعا الحكم علي الشئ فرع عن تصوره وانت يا اخي لاتستطيع ان تتصور الوافع وانت خارج البلاد ولذلك نحن اعرف بالواقع منك خامسا انا اعرف كثيرين من هؤلاء الاطباء المضربين وهم اخوة علي مستوي عالي جدا من الادب والاحترام والتفاني في خدمة المرضي ومنهم حفظة لكتاب الله فمن الظلم ان تحكم عليهم بمثل هذه الاوصاف وتذكر انك لا تتحدث عن صيع وقطاع طرق انت تتحدث عن مجموعه متفهمه ومدركه لما تقول ومن حسن ادبهم انهم مع اضرابهم لم يتوقفو عن الحوادث والحالات الطارئه فكان الاولي لن تقف معهم لا ان تقف مع من ظلمهم ولك تقديري وودي
الرجوع الى أعلى الصفحة اذهب الى الأسفل
زائر
زائر




إضراب أطباء السودان Empty
مُساهمةموضوع: رد: إضراب أطباء السودان   إضراب أطباء السودان I_icon_minitimeالأحد 28 مارس 2010, 2:26 pm

إضراب أطباء السودان Code

طبعا انا لم اسيء الى الاطباء بل حزرت من الفتنى التى تاتى من وراء الكواليس
وانا لم اقل ان الاسعار رخيصة فى السودان بل اقلى اسعار فى العالم كلو حتى اقلى من اسعار دبى زاتة
ولاكن فى متناول الفقير قبل القنى وفى وفرة كل شى موجود من دواء الى اى انواع الغزاء الى اسبيرات موجودة يعنى الناس مرتاحة ما زى زمان قبل الانقاز كل شى مافى سوق اسود وكل يوم بى سعر جديد سجاير كان بيعو ممنوع الدش كان ممنوع اى دة الشقل كانت ممنوعة حظر تجول كشات الزامية يعنى كانت فى حرب عديل فى كل شى
لاكن اسة انتم زى زمان ولا مرتاحين ولا اكالين نكارين واللة عجيب يازمن
فى مثل سورى بيقول القط بيحب خناقو وانتم الكويسة ما بتنفع معاكم
واى زول داير حقو فى قضاء نزية يمشى يشتكى وزير الصحة وزير المالية المحاسبين بتاع الخزنة يعنى هو حر
بيقولو اضراب يعنى عصيان يعنى عدم العمل حتى تتوفر مطالبون يعنى البموت يموت مافى زول بيموت فىغير يومو
واللة اضراب مع شقل مع اداء واجب انسانى مع عمل بدون راتب طوعى مافاهم الحاصل شنو المهم نحنى مابنحب الحاكومة دى وخلاص ولامالكم علينى نحنى دايرين ناس فلان ولا ناس فلان هم يجو ويحكمونى يمكن يزيدو لينى المرتبات ولا يدونى العربات ولا يمكن يبقو الشعب كلو وزرة ودكاترة ومدرة وبعدين ما نلاقى لينى واحد يسوق لينى الرقشة نقوم نمشى كدارى عجيب يازمن
عجيب
كدى اطلعو اقتربو ممكن تعرفو ويمكن ماتعرفو ون عرفتو عرفتو ون ماعرفتو عنكم ماعرفتو
إضراب أطباء السودان 8-AA-D8-B5-D9-81-D9-8A-D9-82
الرجوع الى أعلى الصفحة اذهب الى الأسفل
شجراوى
شجرابي مشارك
شجرابي مشارك
شجراوى


الجنس : ذكر الاسم كامل : حاتم عبدالقادر

إضراب أطباء السودان Empty
مُساهمةموضوع: رد: إضراب أطباء السودان   إضراب أطباء السودان I_icon_minitimeالأحد 28 مارس 2010, 5:03 pm

هسي فى زمتكم كلكم يا ناس بابكر دا فاهمين منو حاجة ؟

انا غلبني عديل ..

يا زول إنت شايت وين ..

على فكرة المباراة إنتهت ..

ولا أقول ليك حاجه نحن زاتو ما كنا لاعبين ..

واقول ليك حاجة كمان ( أنا ما داير معاك ) ....
الرجوع الى أعلى الصفحة اذهب الى الأسفل
عثمان بشير
شجرابي مميز
شجرابي مميز



الجنس : ذكر الاسم كامل : عثمان بشير عثمان بابكر

إضراب أطباء السودان Empty
مُساهمةموضوع: رد: إضراب أطباء السودان   إضراب أطباء السودان I_icon_minitimeالإثنين 29 مارس 2010, 4:10 am

والله يا استاذ حاتم انا برضو ما فاهم حاجه من بابكر وما مستعد اواصل في الموضوع عشان ما تجيني ذبحه ولا جلطه دماغيه
الرجوع الى أعلى الصفحة اذهب الى الأسفل
عثمان بشير
شجرابي مميز
شجرابي مميز



الجنس : ذكر الاسم كامل : عثمان بشير عثمان بابكر

إضراب أطباء السودان Empty
مُساهمةموضوع: رد: إضراب أطباء السودان   إضراب أطباء السودان I_icon_minitimeالإثنين 29 مارس 2010, 4:33 am

ادانت لجنة اضراب الاطباء ماقالت انه استفزاز وتهديد يتعرض له الاطباء من قبل الامن والشرطه في مسعي لعرقلة واجهاض كل المحاولات التي تقوم بها لجان الوساطه الحاليه وقال عضو اللجنه دكتور عبدالعزيزعلي في تصريح لصحيفة اجراس الحريه ان ما يتعرض له الاطباء من مضايقات ومنع من دخول المستشفيات واعتقال لا يساعد علي حل القضيه ويفاقم الامر الي ما هو اسوا ووصف ما حدث بميز الاطباء بام درمان امس اثناء مخاطبة قامت بها لجنة الاطباء فتدخلت قوات الشرطه وفضتها بالقوه وصف ذلك بانه تمادي في عرقلة الوساطه
الرجوع الى أعلى الصفحة اذهب الى الأسفل
عثمان بشير
شجرابي مميز
شجرابي مميز



الجنس : ذكر الاسم كامل : عثمان بشير عثمان بابكر

إضراب أطباء السودان Empty
مُساهمةموضوع: رد: إضراب أطباء السودان   إضراب أطباء السودان I_icon_minitimeالإثنين 29 مارس 2010, 5:04 am

قالت الدكتوره تابيتا لاجراس الحريه في عدد اليوم انهم ليسو المسؤولين الوحيدين عن تفاقم الازمه فهناك مجلس اعلي للاجور ووزارة عمل ووزارة ماليه واما وزارة مجلس الوزراء فهي مسؤوله عن المجلس الطبي ومجلس التخصصات الطبيه وقالت انه يجب ان يكون هناك تنسيق بين كل هذه الجهات لحل هذه المشكله وقالت اننا اعترفنا ضمنا وعلنا ان مرتبات الاطباء والكوادر الصحيه غير مجزيه واعترفنا ان الاضراب مشروع وقالت نحن في غاية الاسف لتصاعد الازمه وقالت انا انتهز هذه الفرصه وادعو الاطباء للرجوع عن الاضراب وهناك امل في الحوار وانا متاكده ان كل هؤلاء الاطباء لا ينامون الليل لانهم يفكرون في المواطن واثق في ذلك وانا ساقف الي جانب الاطباء الي ان تتحقق كل المطالب واناشد الجهات ذات الصله ان تنظر برويه في المشاكل وان تكون هناك مراجعه تامه وتحسين للاجور والاوضاع
الرجوع الى أعلى الصفحة اذهب الى الأسفل
زائر
زائر




إضراب أطباء السودان Empty
مُساهمةموضوع: رد: إضراب أطباء السودان   إضراب أطباء السودان I_icon_minitimeالإثنين 29 مارس 2010, 5:34 pm

إضراب أطباء السودان DFp98155

إضراب أطباء السودان KZ898238



إضراب أطباء السودان NR198358

التحالف مع الشيطان بكرة بياكلك
إضراب أطباء السودان VlY98417
الرجوع الى أعلى الصفحة اذهب الى الأسفل
زائر
زائر




إضراب أطباء السودان Empty
مُساهمةموضوع: رد: إضراب أطباء السودان   إضراب أطباء السودان I_icon_minitimeالإثنين 29 مارس 2010, 5:41 pm

عثمان بشير كتب:
قالت الدكتوره تابيتا لاجراس الحريه في عدد اليوم انهم ليسو المسؤولين الوحيدين عن تفاقم الازمه فهناك مجلس اعلي للاجور ووزارة عمل ووزارة ماليه واما وزارة مجلس الوزراء فهي مسؤوله عن المجلس الطبي ومجلس التخصصات الطبيه وقالت انه يجب ان يكون هناك تنسيق بين كل هذه الجهات لحل هذه المشكله وقالت اننا اعترفنا ضمنا وعلنا ان مرتبات الاطباء والكوادر الصحيه غير مجزيه واعترفنا ان الاضراب مشروع وقالت نحن في غاية الاسف لتصاعد الازمه وقالت انا انتهز هذه الفرصه وادعو الاطباء للرجوع عن الاضراب وهناك امل في الحوار وانا متاكده ان كل هؤلاء الاطباء لا ينامون الليل لانهم يفكرون في المواطن واثق في ذلك وانا ساقف الي جانب الاطباء الي ان تتحقق كل المطالب واناشد الجهات ذات الصله ان تنظر برويه في المشاكل وان تكون هناك مراجعه تامه وتحسين للاجور والاوضاع
إضراب أطباء السودان 8FT98756
الرجوع الى أعلى الصفحة اذهب الى الأسفل
Ali Osman Ali Taha
شجرابي ماسي
شجرابي ماسي
Ali Osman Ali Taha


الجنس : ذكر الاسم كامل : Ali Osman Ali Taha

الاوسمة
 :  

إضراب أطباء السودان Empty
مُساهمةموضوع: رد: إضراب أطباء السودان   إضراب أطباء السودان I_icon_minitimeالثلاثاء 30 مارس 2010, 12:33 pm

هو عليك الله السودان الفيهو عسكرى ما بيعرف يفك الخط..
و ناس منظراتيه..وعندهم حقد بالصورة دى تجاه الاطباء ..اخير عدمو..
انت ما تجى تشتغل لله ..مش قاعد وتلملم فى الريالات والدراهم وتقول لى'
الاطباء ربنا اداهم الذكاء وووو.....الطبيب ده ما زول زيك عمره ماشى وعاوز اتخصص ويعرس ويشتري بيت....غير ده كله بيصرف على اهله
كلهم فى الغلاء الرهيب ده..اتقي الله
الرجوع الى أعلى الصفحة اذهب الى الأسفل
زائر
زائر




إضراب أطباء السودان Empty
مُساهمةموضوع: رد: إضراب أطباء السودان   إضراب أطباء السودان I_icon_minitimeالثلاثاء 30 مارس 2010, 4:18 pm

Ali Osman Ali Taha كتب:
هو عليك الله السودان الفيهو عسكرى ما بيعرف يفك الخط..
و ناس منظراتيه..وعندهم حقد بالصورة دى تجاه الاطباء ..اخير عدمو..
انت ما تجى تشتغل لله ..مش قاعد وتلملم فى الريالات والدراهم وتقول لى'
الاطباء ربنا اداهم الذكاء وووو.....الطبيب ده ما زول زيك عمره ماشى وعاوز اتخصص ويعرس ويشتري بيت....غير ده كله بيصرف على اهله
كلهم فى الغلاء الرهيب ده..اتقي الله
21 سنة والسودان بالف خير ماعندنى حقد لاى زول بنحبكم كلكم
والواحد لازم يقول الحمد للة على النعمة الاداه ليهو ربؤ
الرزق بيداللة يازول والعرس قسمة ونصيب
وطلب العلم فريضة
اللة يديهم ويدينى
ونعم ومن يتقى اللة يجعل لة مخرجا ونعم باللة
إضراب أطباء السودان NMF79965
الرجوع الى أعلى الصفحة اذهب الى الأسفل
 
إضراب أطباء السودان
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الشجرة والحماداب :: شجرة الأخبار والقضايا-
انتقل الى: