منتدى الشجرة والحماداب
منتدى مدينة الشجرة والحماداب



 
الرئيسيةالتسجيلدخول

شاطر | 
 

 كيف يكون الدخول اليك؟؟؟؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
محمد لبة
شجرابي
شجرابي


الجنس : ذكر الاسم كامل : محمد عثمان خشم الموس

مُساهمةموضوع: كيف يكون الدخول اليك؟؟؟؟   الثلاثاء 16 مارس 2010, 7:05 am

ا الاخوان والاخوات فى المنتدى السلام والتحايا
انا من زمن بحوم واحلق حوالين المنتدى ومرة اقول ادخل ومرة أقول لا ومرة اقول ادخل ومرة لا ومرات اقول ومرات لا المهم حاولت وحاولت ووجدت فى الاول صعوبة وبعدين الحمدلله دخلت
للبسأل الصعوبة فى شنو واشان شنو ؟ يكون مابعرف الشجرة
اكتر شى كان معذبنى كيف الدخول ومن وين الدخول ابداكى من وين؟ وادخلك بى وين ؟مرات اقول من حى المركز امام واتذكر الناس العزاز وارجع اتردد وآبى الدخول اقول أدخلك من حى الرى والغابة والله أدخلك من حماداب الشهامة ومكان الناس الديمة ليك اديهن رافعة ترحابا لا لا لا ادخلك من وين مرات اقول من مكان العشق الفريد والميدان التليد زمن كنا زمنا كلو ريد وانا من جنوبى الهوى فى الشجرة الاخيرة يمكن اقدر ادخلك
الاخوان معليش يخط قلمى مالاأستطيع فهمة توارد الخواطر واسترجاع الزكريات تختلط بواقع الغربة
كل هذة التشابكات ادت الى ظهور هذا المسخ المشوة من الكتابة
اعزرونى فدائما ولادة الحروف المشوهة نتاج افكار مرجوجة ( وانا من رجت حروفة هياما فى الشجرة ...ناس الشجرة .... اهل الشجرة ..... شارع الشجرة ....سوق الشجرة....بحر الشجرة... وشجر الشجرة)
عفوا اخوانى انة الدخول بلاتمييز وبلا وعى واعرف انالدخول اليك ياشجرة مابعدة طلوع
عفوا اخوانى كثير من المواضيع شدتنى للدخول وللكتابة وهو ماسياتى لاحقا بعد الرجوع من متاهة الدخول
الى ان اعود اكرر واكرر واكرر مالا يحتاج ان اذكرة فانتم تحسونة والالما كنتم شجراب وانا كمان
سنعود يوما واقفين وسنجد من تركناهم كذلك واقفين فنحن اناس لايريحنا غير الموت ممددين وقد نكون واقفين
الرجوع الى أعلى الصفحة اذهب الى الأسفل
عثمان بشير
شجرابي مميز
شجرابي مميز


الجنس : ذكر الاسم كامل : عثمان بشير عثمان بابكر

مُساهمةموضوع: رد: كيف يكون الدخول اليك؟؟؟؟   الثلاثاء 16 مارس 2010, 8:03 am

الاخ محمداهلا بيك في دارك ووسط اهلك الشجراب ومنور المنتدي والحمدلله انك حسمت التردد عشان الناس تستفيد من بعض
الرجوع الى أعلى الصفحة اذهب الى الأسفل
nimat mohamed salih
المعلمة والمربية
المعلمة والمربية
avatar

الجنس : انثى الاسم كامل : nimat mohamed salih(um ramiz)

الاوسمة
 :


مُساهمةموضوع: رد: كيف يكون الدخول اليك؟؟؟؟   الثلاثاء 16 مارس 2010, 12:18 pm

اخى العزيز محمد لك التحية ولك اقول:-

التردد كلو ريدة

للشجيرات النضيرة

لهوا الشجرة البيلفح

للبحر كان والدميرة

هزة فى جواك ذكرى

ذكرى كان جواك اسيرة

نحن عارفين سر حنانك

من اسى الغربة الكتيرة

يلا ارحل لديارنا

واوعى ماتملاك حيرة

ياما زيك كم كتبنا

ذكرى بالكلمات مريرة

نحضن الشجرة ودروبا

وللوليد قابضلو طيرة

وللتراتير لما تجرى

ولما نسمع صوت مطيرة

ولا للسوق والرواكيب

سمحة فى رقراق حصيرة

ولا للقدرة البتغلى

وللوليد شايل كويرة

والكتير ياخوى ازانا

من صباحنا ولى العصيرة

امسح الدمع البيالم

عارفة زى مطراً غزيرة



اخى محمد لقد هزتنى كللماتك وجاتنى هذة الكلمات مسترسلة هذه اللحظة علها تكون دافعاً قوياً لك للانتماء الى عالمنا عالم الترويح والمحبة وشفاء العليل

لك منى كل التحيات والود ومرحباً بك فى دارك وابين اهلك فهلا تفضلت بتشريفنا .
الرجوع الى أعلى الصفحة اذهب الى الأسفل
dorzy
admin
admin
avatar

الجنس : ذكر الاسم كامل : معتز عبد الماحد محمد العوض

الاوسمة
 :  

مُساهمةموضوع: رد: كيف يكون الدخول اليك؟؟؟؟   الثلاثاء 16 مارس 2010, 1:14 pm

الاخ محمد نورت المنتدي وانتا تزج بكلمات جميله مليون سلام اخي العزيز محمد
الرجوع الى أعلى الصفحة اذهب الى الأسفل
الثعلب
شجرابي مميز
شجرابي مميز
avatar

الجنس : ذكر الاسم كامل : اشرف ابراهيم عثمان

مُساهمةموضوع: رد: كيف يكون الدخول اليك؟؟؟؟   الثلاثاء 16 مارس 2010, 2:36 pm

الرائع لبة
افرحنا جدا دخولك الي المنتدي واثلج صدورنا اكثر بانك حركت الاستاذة نعمات وتواجدها فى البوست الخاص بك دليل على روعة ماكتبت ... ومن غيرك يكتب عن الشجرة...نرجو منك ان تكتب المزيد...
بوست رائع روعة صاحبه
الرجوع الى أعلى الصفحة اذهب الى الأسفل
شجراوى
شجرابي مشارك
شجرابي مشارك
avatar

الجنس : ذكر الاسم كامل : حاتم عبدالقادر

مُساهمةموضوع: رد: كيف يكون الدخول اليك؟؟؟؟   الثلاثاء 16 مارس 2010, 3:28 pm

سلامات يا لبه يا راقي
الرجوع الى أعلى الصفحة اذهب الى الأسفل
ابووجيدة
جيل العمالقة
جيل العمالقة


الجنس : ذكر الاسم كامل : ابو وجيدة

مُساهمةموضوع: رد: كيف يكون الدخول اليك؟؟؟؟   الثلاثاء 16 مارس 2010, 5:08 pm

لبه ذاتو وين يا حبيبنا ولله زمن ادخل دخول المطرة للناس والبيوت ومروق مروق الحنة من ضفر العروس
وخليك قاعد عندي كلام كتير ة والسلام للاسرة الصغيرة الوقت متاخر وبكره دوام و و و و سوف نلتقي وبالله طل وطل انت واحد من ناس الزمن الجميل : lol! :
الرجوع الى أعلى الصفحة اذهب الى الأسفل
محمد لبة
شجرابي
شجرابي


الجنس : ذكر الاسم كامل : محمد عثمان خشم الموس

مُساهمةموضوع: رد: كيف يكون الدخول اليك؟؟؟؟   الأربعاء 17 مارس 2010, 7:08 am

الأخت والاستاذة نعمات الاخوان ابووجيدة .. الثعلب ...حاتم... معتز ....عثمان بشير
ايها الرآئعون عفوا
يامن حاولتم أن يقوم مجتمع الشجرة على انسانية الانسان .....
انتم تثيرون فينى أعنف الاشواق ...وانا ادخل
اياديكم الممدودة وقلوبكم المفتوحة مثل ابواب بيوت الشجرة المفتوحة دوما
غادرناها بليل اسود وعزاءنا فية أنة اخفى دموعنا على من نحب ودارى سؤتنا لحظة الفراق
غادرناها بليل مجبرين وتركنا ابواب بيوتنا مفتوحة وهاانتم تاكدون انها مازالت مفتوحة
قد تجدنى الان بجسدى امامك يامن تجلس امامى
ولكن حتما لن تجد فينى بال او قلب بداخلى فهو يتجول يوميا فى شوارعها ( حلة الغفراء... او فى العنابر وفى حوارى الشجرة جنوب قد تجدة )
لدى طفلتان صغيرتان ودائما مايتملكنى احساس الذنب تجاههما لماذا حرمتهما من هذة المعالم الرائعة
كيف لى ان ابعد العصافير عن اشجارها .....
الرجوع الى أعلى الصفحة اذهب الى الأسفل
اشرف تيرف
شجرابي مشارك
شجرابي مشارك


الجنس : ذكر الاسم كامل : اشرف عثمان على حاكم

مُساهمةموضوع: رد: كيف يكون الدخول اليك؟؟؟؟   الأربعاء 17 مارس 2010, 7:11 am

لبه كم نحتاجك هذه الايام بيننا ولكنك ستظل بالدواخل ريثما تصفو السماء
الرجوع الى أعلى الصفحة اذهب الى الأسفل
سامى البارودى
شجرابي
شجرابي
avatar

الجنس : ذكر الاسم كامل : سامى على عثمان

مُساهمةموضوع: رد: كيف يكون الدخول اليك؟؟؟؟   السبت 24 أبريل 2010, 7:10 am

الاخ العزيزمحمد لبة لك منى كل الحب والتقدير والاحترام مشتاقين والفترة طالت ومرحبا بك فى الشجرة المعطاة بين اهلك واحبابك نسال الله ان يحفظ الامورتين ان يجعلهم الله من الصالحات الغانتات
الرجوع الى أعلى الصفحة اذهب الى الأسفل
محمد عباس
شجرابي زهبي
شجرابي زهبي


الجنس : ذكر الاسم كامل : محمد عباس محمد علي

مُساهمةموضوع: الاخ محمد وحرفك المرتج   السبت 24 أبريل 2010, 8:20 am

تلجلج فكرك
ارتج حرفك
تهات بوصلتك بين شمال وجنوب هواك
بين ملوك الحماداب وشجرات الغابة
بين هذا وذاك تمردت علي ترددك
واشهرت سلاح قلمك
وتدفق نبضك افكارك شلالات حرف مموسق وجميل
انا لا اعرفك
ولكن اعرف احساسك
احس معاناتك
وانت تكابد مشاعر اللوعة والحنين
لم اهاجر لم اتغرب عن داري ولا عن اهلي
لم احس بشظي ولهيب البعاد قد تكون ايام وليالي
ثم اعود الي اهلي واحبتي
ولكن
احس بما يعانية من كان البعاد مكتوب عليه
هذا المنتدي لاناس جمع بينهم حب الوطن
هم في جمال الوان قوس قزح
وانت حبات المطر التي تزين هذا القوس الموشي
اكتب اكتب اكتب ففي الكتابة راحة
تنفس من خلال الحرف
فذالك يذيل احتقان المشاعر
في الانتظار
لك تحياتي
الرجوع الى أعلى الصفحة اذهب الى الأسفل
اشرف ترجمان
شجرابي زهبي
شجرابي زهبي
avatar

الجنس : ذكر الاسم كامل : اشرف ترجمان (كباية)

الاوسمة
 :  

مُساهمةموضوع: رد: كيف يكون الدخول اليك؟؟؟؟   الأحد 25 أبريل 2010, 5:32 pm

سلام ومرحب بيك حباب اللبه بين اهلك وناسك ومشتاقين كتير ياراجل
ابوريم ورتاج (كباية)
الرجوع الى أعلى الصفحة اذهب الى الأسفل
مجدى ابوعبدة
مشرف مشاهير الشجرة والحماداب
مشرف مشاهير الشجرة والحماداب
avatar

الجنس : ذكر الاسم كامل : مجدى عوض محمد احمد

الاوسمة
 :


مُساهمةموضوع: رد: كيف يكون الدخول اليك؟؟؟؟   الثلاثاء 27 أبريل 2010, 2:03 am

اهلا حباب ود البلد مرحب بيك اخونا لبة , انت مكسب للمنتدى ,التواصل بيننا جميعا ان شاء الله .
الرجوع الى أعلى الصفحة اذهب الى الأسفل
 
كيف يكون الدخول اليك؟؟؟؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الشجرة والحماداب :: المنتدي العام-
انتقل الى: